తమిళ సూపర్ స్టార్ రజినీకాంత్ లేటెస్ట్ చిత్రం ‘కూలీ’ బాక్సాఫీస్ దగ్గర రిలీజ్కు ముందే ర్యాంప్ ఆడిస్తోంది. లోకేష్ కనగరాజ్ డైరెక్ట్ చేసిన ఈ సినిమాను భారీ హైప్ మధ్య ఆగస్టు 14న రిలీజ్ చేస్తున్నారు. ఇక ఈ సినిమాలో భారీ క్యాస్టింగ్ నటిస్తుండటంతో ఈ సినిమాను చూసేందుకు ప్రేక్షకులు పెద్ద ఎత్తున ఆసక్తిని చూపుతున్నారు.
ఇక తాజాగా ఈ చిత్ర టికెట్ బుకింగ్స్ తెలుగు రాష్ట్రాల్లో ఓపెన్ అయ్యాయి. బుకింగ్స్ తెరుచుకోవడమే ఆలస్యం అన్నట్లు రజినీ తన ర్యాంపేజ్ చూపిస్తున్నాడు. గడిచిన గంటలో రెండు తెలుగు రాష్ట్రాల్లో ఏకంగా 100K కి పైగా టికెట్ బుకింగ్స్ జరిగినట్లు మేకర్స్ వెల్లడించారు. దీంతో ఈ సినిమాకు ఎలాంటి క్రేజ్ ఉందో అర్థం చేసుకోవచ్చు. మరి ఈ సినిమాకు ఈ రేంజ్ రెస్పాన్స్ వస్తుండటంతో సినిమా రిలీజ్ తర్వాత ఎలాంటి సెన్సేషన్ చేస్తుందా అనేది ఆసక్తికరంగా మారింది.
బాక్సాఫీస్ దగ్గర రజినీకాంత్ మాస్ ర్యాంపేజ్ చూయిస్తున్నాడని.. ఇది ఎలాంటి వండర్స్ క్రియేట్ చేస్తుందో చూడాలని విశ్లేషకులు కామెంట్ చేస్తున్నారు.