గోపీచంద్ మలినేని దర్శకత్వంలో మాస్ మహారాజ రవితేజ నటించిన ‘క్రాక్’ చిత్రం థియేటర్లలో సత్తా చూపిస్తోంది. లాక్ డౌన్ అనంతరం వచ్చిన పెద్ద చిత్రం కావడంతో ప్రేక్షకులు థియేటర్లకు క్యూ కట్టారు. మొదటి రోజు నుండి మంచి పాజిటివ్ టాక్ తెచ్చుకున్న ఈ చిత్రం ఆ తర్వాతి రోజుల్లో కూడ బాగానే పెర్ఫార్మ్ చేసింది. వరుసగా ‘మాస్టర్,రెడ్, అల్లుడి అదుర్స్’ చిత్రాలు రిలీజైనప్పటికీ ఎక్కడా వసూళ్లు డ్రాప్ కబనడలేదు.
తొలిరోజు రెండు తెలుగు రాష్ట్రాల్లో 10.5 కోట్ల గ్రాస్, 6.25 కోట్ల షేర్ వసూలు చేసిన ఈ చిత్రం ఇప్పటికే బ్రేక్ ఈవెన్ సాధించేసింది. ట్రేడ్ వర్గాల లెక్కల మేరకు ఈ సినిమా బ్రేక్ ఈవెన్ టార్గెట్ రూ.17.5 కోట్లు కాగా మొదటి 8 రోజులకు ప్రపంచవ్యాప్తంగా రూ.25 కోట్ల వరకు షేర్ ఖాతాలో వేసుకున్నట్టు తెలుస్తోంది. అంటే ఇప్పటికే డిస్ట్రిబ్యూటర్లు మంచి లాభాలను చూశారు. ఈ జోరు ఇంకో వారం రోజులు కొనసాగితే క్లీన్ బ్లాక్ బస్టర్ హిట్ రవితేజ ఖాతాలో పడ్డట్టే. మొత్తం మీద ఈ సంక్రాంతి రేసులో రవితేజ్ విజేతగా నిలిచాడన్నమాట.