సెన్సేషనల్ డైరెక్టర్ సందీప్ రెడ్డి వంగా ప్రస్తుతం పాన్ ఇండియా స్టార్ ప్రభాస్తో ‘స్పిరిట్’ చిత్రాన్ని రూపొందిస్తున్నాడు. ఈ భారీ యాక్షన్ డ్రామాలో ప్రభాస్ ఒక పవర్ఫుల్ పోలీస్ ఆఫీసర్ పాత్రలో కనిపించనున్నాడు. సినిమా ప్రకటన వచ్చినప్పటి నుంచే ఈ ప్రాజెక్ట్పై భారీ అంచనాలు నెలకొన్నాయి. ఫలితంగా చిత్ర యూనిట్కు కళ్ళు చెదిరే ఆఫర్లు క్యూ కడుతున్నాయి.
‘స్పిరిట్’ సినిమాకు సంబంధించి డిజిటల్ హక్కుల కోసం నెట్ఫ్లిక్స్ మరియు అమెజాన్ ప్రైమ్ వంటి దిగ్గజ సంస్థలు భారీ మొత్తాలను ఆఫర్ చేస్తున్నాయి. అయినప్పటికీ, సందీప్ రెడ్డి వంగా మరియు నిర్మాణ సంస్థ టీ-సిరీస్ ప్రస్తుతం ఎటువంటి నాన్-థియేట్రికల్ డీల్స్ను క్లోజ్ చేయడానికి ఆసక్తి చూపడం లేదు. సినిమాపై ఉన్న హైప్ దృష్ట్యా, ఈ ఏడాది చివరి వరకు వేచి చూసి అప్పుడే ఒప్పందాలను ఖరారు చేయాలని వారు నిర్ణయించుకున్నారు.
ప్రస్తుతం ప్రభాస్ తన ఇతర ప్రాజెక్టులైన ‘ఫౌజీ’ మరియు ‘కల్కి 2898 AD’ సీక్వెల్ పనుల్లో బిజీగా ఉన్నాడు. త్వరలోనే ఆయన ‘స్పిరిట్’ సెట్స్లోకి అడుగుపెట్టనున్నాడు. ఈ చిత్రంలో త్రిప్తి డిమ్రి హీరోయిన్గా నటిస్తుండగా వివేక్ ఒబెరాయ్ విలన్ పాత్రలో నటిస్తున్నాడు.