నందమూరి బాలకృష్ణ, బోయపాటి శ్రీనుల ప్రాజెక్ట్ ఇటీవలే లాంఛ్ అయిన సంగతి తెలిసిందే. మిర్యాల రవీందర్ రెడ్డి నిర్మాతగా వ్యవహరిస్తున్నారు. ఈ సినిమాలో కథానాయకిగా బాలీవుడ్ స్టార్ నటి సొనాక్షి సిన్హాను తీసుకుంటున్నారని వార్తలొచ్చాయి. ఈ వార్తలు బాగా వైరల్ అయి సొనాక్షి వరకు వెళ్లాయి. దీంతో ఆమె క్లారిటీ ఇచ్చే ప్రయత్నం చేశారు.
బాలకృష్ణ చేయబోయే సినిమాలో నేను నటిస్తాననే వార్తలొస్తున్నాయి. వీటిపై క్లారిటీ ఇవ్వదలుచుకున్నాను అంటూ ఆ న్యూస్ నిజం కాదని, తాను చేయబోయే తర్వాతి సినిమాను త్వరలోనే అనౌన్స్ చేస్తానని చెప్పుకొచ్చింది. దీంతో ఇంతకీ బాలయ్యకు జోడీ ఎవరనే విషయంపై మళ్లీ చర్చ మొదలైంది. మరి బాలయ్య సరసన బోయపాటి ఎవరిని ఫైనల్ చేస్తారో చూడాలి.