వరుసగా హ్యాట్రిక్ హిట్స్ అందుకొని ఫుల్ జోష్ మీదున్న మాచో హీరో గోపీచంద్ తనకి ‘యజ్ఞం’ రూపంలో మొదటి బిగ్ హిట్ ఇచ్చిన ఎఎస్ రవికుమార్ చౌదరి డైరెక్షన్ లో చేసిన మరో సినిమా ‘సౌఖ్యం’. షూటింగ్ మొత్తం పూర్తి చేసుకున్న ఈ సినిమా పోస్ట్ ప్రొడక్షన్ కార్యక్రమాలను కూడా పూర్తి చేసుకుంది. దాంతో ఈ చిత్ర టీం ఈ సినిమాని సెన్సార్ కి పంపడానికి స్లాట్ ని ఫిక్స్ చేసుకున్నాడు. రేపు అనగా డిసెంబర్ 16న ఈ సౌఖ్యం సినిమా సెన్సార్ ఫార్మాలిటీస్ ని పూర్తి చేసుకోనుంది.
క్రిస్మస్ కానుకగా డిసెంబర్ 25న రిలీజ్ చేయనున్న ఈ సినిమా సెన్సార్ ని 10 రోజుల ముందే ఫినిష్ చేసి రిలీజ్ కి పక్కాగా రెడీ చేసుకోవాలని ఈ చిత్ర టీం నిర్ణయించుకుంది. సెన్సార్ పూర్తి చేసుకున్నాక ఈ సినిమా భారీ ఎత్తున ప్రమోషన్స్ ని మొదలు పెట్టనున్నారు. కోన వెంకట్ – గోపి మోహన్ లు కథని అందించిన ఈ సినిమాకి అనూప్ రూబెన్స్ మ్యూజిక్ అందించాడు. రెజీన కసాండ్ర హీరోయిన్ గా నటించిన ఈ సినిమా భవ్య క్రియేషన్స్ వారు నిర్మించారు.