వైవిధ్యభరితమైన కథాంశాలతో తెలుగు యువహీరోల్లో తనదంటూ ఒక మార్క్ సెట్ చేసుకుంటూ వెళుతోన్న సందీప్ కిషన్, ప్రస్తుతం వరుసగా సినిమాలు చేస్తూ పోతున్నారు. ఈ క్రమంలోనే ఇప్పటికే మూడు సినిమాలను లైన్లో పెట్టిన ఈ హీరో తాజాగా ఓ తమిళ హిట్ సినిమా రీమేక్కు ఓకే చెప్పిన విషయం తెలిసిందే. తమిళ, మళయాలంలో బంపర్ హిట్ కొట్టిన ‘నేరమ్’ అనే సినిమాను సందీప్ కిషన్ తెలుగులో ‘123’ అనే టైటిల్తో రీమేక్ చేస్తున్నారు.
నివిల్ పాల్, నజ్రియాలకు స్టార్డమ్ తెచ్చిపెట్టిన ఈ సినిమాను తెలుగులో సుందర్ చెరుకూరి నిర్మాతగా రీమేక్ చేస్తుండగా, అనిల్ కన్నెగంటి దర్శకత్వం వహిస్తున్నారు. ఇక ఇప్పటికే ప్రీ ప్రొడక్షన్ కార్యక్రమాలను పూర్తి చేసుకున్న ఈ సినిమా త్వరలోనే సెట్స్పైకి వెళుతోన్న నేపథ్యంలోనే, తాజాగా సినిమా టీమ్ హీరోయిన్ను కూడా కన్ఫర్మ్ చేసేసింది. పవన్ కళ్యాణ్ సరసన నటించే అవకాశాన్ని చివరి నిమిషంలో కోల్పోయిన అనీషా ఆంబ్రోస్ తాజాగా సందీప్ కిషన్ హీరోయిన్గా ఎంపికయ్యారు.