తెలుగు రాష్ట్రాల్లో 2023 సంక్రాంతికి మెగాస్టార్ చిరంజీవి వాల్తేరు వీరయ్య, నందమూరి బాలకృష్ణ వీరసింహారెడ్డి, విజయ్ వరిసు, అజిత్ తునివు అనే 4 భారీ చిత్రాలు విడుదల కావడం ఖాయం. ఈరోజు తెలుగు ఫిల్మ్ ప్రొడ్యూసర్స్ కౌన్సిల్ వచ్చే సంక్రాంతి కి విడుదల కానున్న సినిమాల గురించి ప్రెస్ నోట్ ను విడుదల చేసింది.
తెలుగు రాష్ట్రాల్లో తెలుగు స్ట్రెయిట్ చిత్రాలకే తొలి ప్రాధాన్యం ఇవ్వాలని, థియేటర్లు మిగిలి ఉంటే డబ్బింగ్ సినిమాలకే కేటాయిస్తామని మండలి పేర్కొంది. కాబట్టి, నిర్మాత దిల్ రాజుకి ఇది పెద్ద సమస్యగా ఉంటుంది. వరిసు తమిళ చిత్రం, ఇది తెలుగులో కూడా విడుదల అవుతుంది. మరి దిల్ రాజు స్పందన తెలియాలంటే వేచి చూడాల్సిందే. మరోవైపు చిరు, బాలయ్య సినిమాలకు మిగతా వాటి కంటే ఎక్కువ థియేటర్ల లో విడుదల కానున్నాయి.
