అక్కినేని యంగ్ హీరో అఖిల్ ప్రస్తుతం తన లెనిన్ చిత్రాన్ని దర్శకుడు మురళీ కిషోర్ అబ్బూరి (నందు) డైరెక్షన్ లో చేస్తున్నాడు. కాగా ఈ సినిమాకు సంబంధించి తాజాగా ఓ అప్డేట్ అందుతోంది. ఈ చిత్రానికి సంబంధించిన తన షూటింగ్ పార్ట్ ను అఖిల్ ముగించినట్లు తెలుస్తోంది. ఐతే, ప్యాచ్ వర్క్ కోసం మళ్లీ అఖిల్ సెట్స్ పైకి వచ్చే అవకాశం ఉంది. వచ్చే నెలలో ప్యాచ్ వర్క్ ఉండే అవకాశం ఉంది. కాగా ఈ సినిమా.. రాయలసీమ బ్యాక్ డ్రాప్ తో చిత్తూరు ప్రాంతం నేపథ్యంలో తెరకెక్కుతుంది.
ఇక ఈ సినిమాలో అందాల భామ భాగ్య శ్రీ బోర్సే హీరోయిన్ గా నటిస్తోంది. ఇక సినిమా పై భారీ అంచనాలు ఉన్నాయి. ముఖ్యంగా అఖిల్ – భాగ్య శ్రీ కలయికలో లవ్ సీన్స్ చాలా బాగుంటాయట. అన్నట్టు ఈ సినిమా పై అఖిల్ చాలా హోప్స్ పెట్టుకున్నాడు. సినిమా అవుట్ ఫుట్ అయితే బాగా వస్తోందని టీమ్ చెబుతుంది. మరి ఈ సినిమాతో అఖిల్ హిట్ కొడతాడో లేదో చూడాలి. ప్రస్తుతానికి అయితే ఈ సినిమా శరవేగంగా రెడీ అవుతుంది.