ముఖ్య అంశాలు
- బాలీవుడ్ యాక్షన్ కామెడీ ఎంటర్టైనర్ ‘వెల్ కమ్ టు ది జంగిల్’ సినిమా అడ్వాన్స్ బుకింగ్స్ స్టార్ట్ అయ్యాయి.
- జూన్ 25వ తేదీ నుంచి దేశవ్యాప్తంగా పలు థియేటర్లలో ఈ మూవీ పెయిడ్ ప్రీమియర్స్ ప్లాన్ చేశారు.
- హీరోయిన్ జాక్వెలిన్ ఫెర్నాండెజ్ తన ఇన్స్టాగ్రామ్లో ‘2000 కోట్ల ఫేక్ ఫిల్మ్’ అంటూ సరదాగా చేసిన పోస్ట్ నెట్టింట వైరల్ అవుతోంది.
బాలీవుడ్ స్టార్ హీరో అక్షయ్ కుమార్, భారీ తారాగణంతో వస్తున్న అవుట్ అండ్ అవుట్ కామెడీ ఎంటర్టైనర్ ‘వెల్ కమ్ టు ది జంగిల్’. ఈ సినిమా కోసం నార్త్ ఆడియన్స్తో పాటు సౌత్ జనాలు కూడా ఆసక్తిగా ఎదురుచూస్తున్నారు. కాగా, తాజాగా ఈ మూవీకి సంబంధించిన అడ్వాన్స్ బుకింగ్స్ స్టార్ట్ అయ్యాయి.
జూన్ 25 నుంచి పెయిడ్ ప్రీమియర్స్
మేకర్స్ ప్రకటించిన తాజా సమాచారం ప్రకారం.. జూన్ 25 నుంచి ఈ సినిమా పెయిడ్ ప్రీమియర్స్ షురూ కానున్నాయి. ఆ రోజు రాత్రి 7:30 గంటల నుంచి స్పెషల్ షోలు వేసేందుకు ప్లాన్ చేశారు. ఇప్పటికే ఆన్లైన్ ప్లాట్ఫామ్స్లో టికెట్స్ అందుబాటులోకి రాగా.. చాలా ఫాస్ట్గా ఫిల్ అవుతున్నాయి. అక్షయ్ కుమార్తో పాటు సంజయ్ దత్, సునీల్ శెట్టి, పరేష్ రావల్ లాంటి సీనియర్ స్టార్స్ అంతా ఒకే సినిమాలో సందడి చేయనుండటంతో సినిమాపై హైప్ భారీగా పెరిగింది.
జాక్వెలిన్ ఫన్నీ పోస్ట్ వైరల్
ఇక ఈ సినిమా ప్రమోషన్స్లో భాగంగా హీరోయిన్ జాక్వెలిన్ ఫెర్నాండెజ్ సోషల్ మీడియాలో చేసిన ఓ పోస్ట్ ఇప్పుడు ట్రెండింగ్గా మారింది. సినిమా బుకింగ్స్ లింక్ అభిమానులతో షేర్ చేస్తూ.. “2000 కోట్ల ఫేక్ ఫిల్మ్” అంటూ ఆమె సరదాగా క్యాప్షన్ ఇచ్చారు. అహ్మద్ ఖాన్ డైరెక్ట్ చేస్తున్న ఈ సినిమాను ఫిరోజ్ నాడియాడ్వాలా నిర్మిస్తున్నారు. పాత ‘వెల్ కమ్’ ఫ్రాంచైజీ సినిమాల తరహాలోనే ఈ మల్టీస్టారర్ కూడా ఆడియన్స్కు నాన్స్టాప్ నవ్వులు పంచుతుందని ట్రేడ్ వర్గాలు అంచనా వేస్తున్నాయి.