ముఖ్య అంశాలు
- 34 మంది బాలీవుడ్ స్టార్స్ నటిస్తున్న ‘వెల్కమ్ టు ది జంగిల్’ షూటింగ్ కంప్లీట్ అయింది. ఈ యాక్షన్ అడ్వెంచర్ కామెడీ జూన్ 26న రిలీజ్కు రెడీ అవుతోంది.
- సెట్లో రోజూ 900 మంది క్రూ, 50 వ్యానిటీ వ్యాన్లు, 250 కార్లతో ఓ భారీ మ్యూజిక్ కాన్సర్ట్ తరహాలో చిత్రీకరణ సాగింది.
- నటీనటుల డేట్స్ సెట్ చేయడం, వాళ్ల ఈగోలు దెబ్బతినకుండా చూసుకోవడమే షూటింగ్లో అత్యంత కష్టమైన పని అని డైరెక్టర్ అహ్మద్ ఖాన్ స్పష్టం చేశారు.
34 మంది అగ్ర హీరోలు, హీరోయిన్లు.. సెట్లో రోజూ దాదాపు 900 మంది.. ఇదంతా వింటుంటే ఏదో భారీ రాజకీయ సభ లేదా మ్యూజిక్ కాన్సర్ట్ గురించి చెబుతున్నట్లు ఉంది కదూ! కానీ, ఇదొక బాలీవుడ్ సినిమా సెట్ ముచ్చట. అగ్ర తారల కలయికలో వస్తున్న ‘వెల్కమ్ టు ది జంగిల్’ తెర వెనుక జరిగిన ఆసక్తికర విషయాలను దర్శకుడు అహ్మద్ ఖాన్ పంచుకున్నారు.
మ్యూజిక్ కాన్సర్ట్ను తలపించిన సెట్
‘వెల్కమ్’ ఫ్రాంచైజీలో మూడో భాగంగా యాక్షన్ అడ్వెంచర్ కామెడీగా ఈ మూవీ తెరకెక్కింది. ఇప్పటికే షూటింగ్ పూర్తి చేసుకున్న ఈ చిత్రం జూన్ 26న థియేటర్లలోకి రాబోతోంది. అయితే, స్క్రీన్ మీద కనిపించే ఆ 34 మంది నటులను ఒకేచోట చేర్చి సినిమా తీయడం డైరెక్టర్కు అస్సలు చిన్న విషయం కాలేదు. ఒక్కో స్టార్తో పాటు కనీసం ఐదుగురు పర్సనల్ స్టాఫ్ వచ్చేవారు. వీరికి తోడు 200 మంది టెక్నీషియన్లు, స్టంట్ టీమ్, హార్స్మెన్, 150 మంది దాకా బ్యాక్గ్రౌండ్ డాన్సర్లు.. ఇలా రోజూ సెట్లో 700 నుంచి 900 మందిని టీమ్ సమన్వయం చేయాల్సి వచ్చేది.
ఇంతమందికి వసతి కల్పించడం మరో పెద్ద టాస్క్. నటీనటులు, మేకప్ టీమ్, ఇతర సిబ్బందికి చెందిన దాదాపు 250 కార్లు, 50 వ్యానిటీ వ్యాన్లు పార్క్ చేయడానికి ఏకంగా రెండు పెద్ద గ్రౌండ్లను అద్దెకు తీసుకున్నారు.
స్టార్ల ఈగోలు.. పీఆర్ల ప్రెజర్
షెడ్యూల్ ప్లానింగ్, స్టార్ల డేట్స్ సెట్ చేయడం ఒక ఎత్తు అయితే.. వాళ్ల ఈగోలను బ్యాలెన్స్ చేయడం అసలైన సవాల్ అని దర్శకుడు ఓపెన్ అయ్యారు. ఒక్కొక్కరి షెడ్యూల్ భిన్నంగా ఉండేది. కొందరు ఐదు రోజులు ఇస్తే, మరికొందరు ఎనిమిది రోజులు కేటాయించారు. వాటన్నింటినీ క్లబ్ చేసి సీన్స్ తీశారు. ఒక స్టార్ వ్యానిటీ వ్యాన్ నుంచి బయటకు వస్తే.. ఇంకో స్టార్ ఎంతకీ వచ్చేవారు కారు. వీటికి తోడు పీఆర్ టీమ్స్ నుంచి కూడా తీవ్రమైన ప్రెజర్ ఉండేది.
ఒక సీన్లో 20 మందిని చూపించాలనుకుంటే.. ఆ సంఖ్య కాస్తా 34కు చేరిన సందర్భాలు కూడా ఉన్నాయి. డైరెక్టర్ చెప్పినట్లు, ‘యాక్షన్ అండ్ కట్’ అని చెప్పగానే షూటింగ్ పూర్తయ్యే వ్యవహారం కాదిది. ఏదేమైనా, ఒత్తిడి లేని రోజంటూ లేదు అని దర్శకుడు చెప్పడాన్ని బట్టి చూస్తే, ఒక భారీ మల్టీస్టారర్ సినిమాను హ్యాండిల్ చేయడం వెనుక ఎంత చెమటోడ్చారో ఇట్టే అర్థమవుతుంది. పడిన కష్టమంతా తెరపై ఏ మేరకు ప్రతిఫలిస్తుందో తెలియాలంటే జూన్ 26 వరకు ఆగాల్సిందే.