మే 24న విడుదల కానున్న విల్ స్మిత్ హాలీవుడ్ డబ్బింగ్ మూవీ”అల్లాద్దీన్”

మే 24న విడుదల కానున్న విల్ స్మిత్ హాలీవుడ్ డబ్బింగ్ మూవీ”అల్లాద్దీన్”

Published on May 18, 2019 4:09 PM IST

అరేబియన్ నైట్స్ కథలలో అల్లాద్దీన్ అద్భుత దీపం కథ కి ప్రపంచ వ్యాప్తంగా అభిమానులు ఉన్నారు, అల్లాద్దీన్ కథ ఎన్నిసార్లు తీసినా కొత్తగానే ఉంటుంది. అందుకే మరో సారి డిస్నీ వారు ప్రస్తుత సాంకేతికని వాడుకొని, అల్లాద్దీన్ కథని ఓ విజువల్ వండర్ గా రెడీ చేసారు. భారీ బడ్జెట్ తో ‘అల్లాద్దీన్” కి కొత్త హంగులు జోడించి ప్రేక్షకులను అరేబియన్ రాజ్యం లోకి తీసుకువెళ్లే ప్రయత్నం చేస్తున్నారు. ఇటీవలే డిస్నీ సంస్థ మర్వెల్ వారు సంయుక్తంగా నిర్మించి విడుదల చేసిన అవెంజర్స్ ఎండ్ గేమ్ ప్రపంచ వ్యాప్తంగా కలెక్షన్స్ సునామి సృష్టించిన సంగతి తెల్సిందే, అవెంజర్స్ మ్యానియా నుంచి బయటకి రాకుండానే డిస్నీ వారు “అల్లాద్దీన్” వంటి మరో అద్భుతమైన సినిమాను మే 24న విడుదల చేయనున్నారు. “అల్లాద్దీన్” ఇండియా లో తెలుగు, తమిళ, హిందీ తదితర భాషల్లోభారీగా విడుదల కానుంది.

“అల్లాద్దీన్” తెలుగు వెర్షన్ కు డబ్బింగ్ చెప్పిన వెంకటేష్, వరుణ్ తేజ్

ఇటీవల వచ్చిన “ఎఫ్2” లో తమ కామెడీ టైమింగ్ తో అదరగొట్టిన వెంకటేష్ వరుణ్ తేజ్ లు ఈ మూవీ లో ముఖ్య పాత్రలకు తమగొంతు అరువిచ్చారు. ఈ సినిమాలో జీని (దెయ్యం) పాత్రకు వెంకటేష్ డబ్బింగ్ చెప్పగా , అలాగే అల్లాద్దిన్ పాత్రకు వరుణ్ తేజ్ డబ్బింగ్ చెప్పారు. ఇటీవలే దీనికి సంబంధించిన తెలుగు టీజర్‌ను రిలీజ్ చేసారు. ఈ సినిమాలో జీనీగా హాలీవుడ్ నటుడు విల్ స్మిత్ నటించగా అల్లాదిన్‌గా మేనా మసూద్ యాక్ట్ చేసాడు. మొత్తంగా వెంకటేష్, వరుణ్ తేజ్ గొంతులతో ‘అల్లాదిన్’ తెలుగు డబ్బింగ్ వెర్షన్‌కు మంచి క్రేజ్ వచ్చే అవకాశాలు వున్నాయి.

సంబంధిత సమాచారం

తాజా వార్తలు