దివంగత వైఎస్. రాజశేఖర్ రెడ్డిగారి జీవితం ఆధారంగా దర్శకుడు మహి వి రాఘవ్ ‘యాత్ర’ పేరుతో బయోపిక్ కు శ్రీకారం చుట్టిన సంగతి తెలిసిందే. ఈ చిత్రంలో మలయాళ స్టార్ హీరో మమ్ముట్టి రాజశేఖర్ రెడ్డిగారి పాత్రను పోషించనున్నారు. ప్రీ ప్రొడక్షన్ పనులన్నీ ముగించిన టీమ్ రేపటి నుండి షూటింగ్ మొదలుపెట్టనుంది.

ఈ షెడ్యూల్ సెప్టెంబర్ వరకు ఏకధాటిగా జరగనుంది. ఈ ఒక్క షెడ్యూల్లోనే చిత్రీకరణ మొత్తాన్ని ముగించేస్తారట. వైఎస్ 2003లో చేపట్టిన 60 రోజుల పాదయాత్ర, ఆయన పరిపాలన, మడమ తిప్పని వ్యక్తిత్వం వంటి అంశాలను ఆధారంగా చేసుకుని ఈ చిత్రం రూపొందనుంది.

కొంత కాలం క్రితమే విడుదలైన ఈ చిత్ర ఫస్ట్ లుక్ కి ప్రేక్షకుల నుండి మంచి స్పందన లభించింది. 70 ఎం ఎం ఎంటర్టైన్మెంట్స్ బ్యానర్ పై రూపొందుతున్న సినిమాను రాజశేఖర్ రెడ్డిగారి ఇమేజ్ కు ఏమాత్రం తక్కువ కాకుండా తెరకెక్కిస్తామని విజ‌య్ చిల్లా, శశిదేవి రెడ్డిలు అంటున్నారు.