మహి వి రాఘవ్ దర్శకత్వంలో దివంగత నేత ఆంధ్ర ప్రదేశ్ మాజీ ముఖ్య మంత్రి వై ఎస్ రాజశేఖర్ రెడ్డి గారి జీవిత చరిత్ర తో తెరకెక్కుతున్న చిత్రం ‘యాత్ర’. మలయాళ సూపర్ స్టార్ మమ్ముట్టి ప్రధాన పాత్రలో నటిస్తున్నారు. ప్రస్తుతం ఈ చిత్రం యొక్క షూటింగ్ శరవేగంగా జరుగుతుంది.
ఇక ఈ చిత్రం మొదట్లో సంక్రాంతి కానుకగా విడుదలకానుందని వార్తలు వచ్చాయి. కానీ ఇప్పుడు అంత కన్నా ముందు గానే ప్రేక్షకుల ముందుకురానుంది. వైఎస్ రాజశేఖర్ రెడ్డి తనయుడు వై ఎస్ జగన్ పుట్టిన రోజు సందర్బంగా డిసెంబర్ 21న ఈ చిత్రం విడుదలకానుంది.
జగపతిబాబు, సుహాసిని, రావు రమేష్, అనసూయ, సచిన్ ఖేడేకర్ ముఖ్య పాత్రల్లో నటిస్తున్న ఈ చిత్రాన్ని విజయ్ చిల్లా, శశి దేవిరెడ్డిలు సంయుక్తంగా నిర్మిస్తున్నారు. ఇక ఈచిత్రానికి కృష్ణ కుమార్ సంగీతం అందిస్తున్నారు.