సమీక్ష : హిట్ 2 – ఇంట్రెస్టింగ్ క్రైమ్ సస్పెన్స్ థ్రిల్ల‌ర్ !

సమీక్ష : హిట్ 2 – ఇంట్రెస్టింగ్ క్రైమ్ సస్పెన్స్ థ్రిల్ల‌ర్ !

Published on Dec 3, 2022 3:02 AM IST
HIT 2 Movie-Review-In-Telugu

విడుదల తేదీ : డిసెంబర్ 02, 2022

123తెలుగు.కామ్ రేటింగ్ : 3.25/5

నటీనటులు: అడివి శేష్, మీనాక్షి, రావు రమేష్, తనికెళ్ల భరణి, పోసాని కృష్ణ మురళి, కోమలి ప్రసాద్, శ్రీనాథ్ మాగంటి, శ్రీకాంత్ అయ్యంగార్

దర్శకుడు : డా. శైలేష్ కొలను

నిర్మాత: ప్రశాంతి తిపిర్నేని

సంగీత దర్శకులు: ఎం ఎం శ్రీలేఖ, సురేష్ బొబ్బిలి

సినిమాటోగ్రఫీ: ఎస్.మణికందన్

ఎడిటర్: గ్యారీ Bh

 

సంబంధిత లింక్స్: ట్రైలర్

 

యంగ్ అండ్ ప్రామిసింగ్ హీరో అడివి శేష్ హీరోగా మీనాక్షి చౌదరి హీరోయిన్ గా దర్శకుడు శైలేష్ కొలను తెరకెక్కించిన లేటెస్ట్ ఇంటెన్స్ థ్రిల్లర్ “హిట్ 2”. ఈ సినిమా ఈ రోజు విడుదల అయింది. మరి ప్రేక్షకులను ఈ చిత్రం ఏ మేరకు మెప్పించిందో సమీక్షలోకి వెళ్లి తెలుసుకుందాం !

 

కథ :

 

కృష్ణదేవ్ అలియాస్ కేడీ (అడివి శేష్) సిన్సియర్ అండ్ ఇంటెలిజెంట్ పోలీస్ ఆఫీసర్. ఎలాంటి క్రిటికల్ కేసు అయినా చాలా షార్ప్ గా చాలా క్లారిటీగా ఫైండ్ అవుట్ చేస్తాడు. అయితే, వైజాగ్ లో సంజన అనే అమ్మాయిని ఎవరో అతి దారుణంగా ముక్కలు ముక్కలుగా నరికి చంపేస్తారు. ఆ సీరియస్ కిల్లర్ ను పట్టుకోవడానికి రంగంలోకి దిగుతాడు కేడీ. కొన్ని గంటల్లోనే హంతకుడిని పట్టుకుంటా అనే ఓవర్ కాన్ఫిడెన్స్ తో ఉన్న కేడీకి ఆ కిల్లర్ ఎలా సవాల్ గా మారాడు ?, అసలు ఆ కిల్లర్ ఎవరు?, ఎందుకు మహిళా సంఘాల్లోని అమ్మాయిలను టార్గెట్ చేశాడు?, ఈ క్రమంలో జరిగిన నాటకీయ పరిణామాలు ఏమిటి ?, ఇంతకీ ఆ కిల్లర్.. కేడీ లవర్ అయిన ఆర్యాని (మీనాక్షి చౌదరి) ఎందుకు టార్గెట్ చేశాడు?, చివరకు కేడీ ఆ కిల్లర్ ను పట్టుకున్నాడా? లేదా ? అనేది మిగిలిన కథ.

 

ప్లస్ పాయింట్స్ :

 

మంచి నటుడిగా పేరున్న అడవి శేష్ సీరియస్ పోలీస్ అధికారిగా ఆకట్టుకున్నారు. తన డైలాగ్ డెలివరీ అండ్ మేనరిజమ్ చాలా బాగున్నాయి. క్రైమ్ అండ్ సీరియస్ సన్నివేశాల్లోని శేష్ నటన సినిమాకే హైలైట్ గా నిలిచింది. కథ రీత్యా హీరోయిన్ మీనాక్షి చౌదరి పాత్రకు అంత పెద్దగా నిడివి లేకున్నప్పటికీ శేష్ తో వచ్చే లవ్ అండ్ రొమాంటిక్ సీన్స్ లో ఆమె మెప్పించింది.

హీరోకి ఇన్వెస్టిగేషన్ లో సహాయకురాలిగా నటించిన కోమలి ప్రసాద్ నటన బాగుంది. అలాగే రావు రమేష్, తనికెళ్ల భరణి, పోసాని కృష్ణ మురళి, శ్రీకాంత్ అయ్యంగార్ తదితరులు తమ పాత్రలకు న్యాయం చేశారు. సినిమా నిర్మాణ విలువలు, బీజీఎమ్ చాలా బాగున్నాయి. సినిమాలో ప్రతి ఫ్రేమ్ రిచ్ గా అనిపిస్తుంది.

ఇన్వెస్టిగేటివ్ సన్నివేశాలలో థ్రిల్లింగ్ ఎలిమెంట్స్ బాగున్నాయి. అలాగే క్లైమాక్స్ ట్విస్ట్ కూడా ఊహకు అందలేదు. దర్శకుడు డా. శైలేష్ కొలను రాసుకున్న క్రైం డ్రామా చాలా ఇంట్రెస్టింగ్ గా సాగింది. ముఖ్యంగా క్లైమాక్స్ ట్విస్ట్ ఆకట్టుకుంది.

 

మైనస్ పాయింట్స్ :

 

ఇంట్రెస్టింగ్ క్రైమ్ డ్రామా ఉన్నా.. కొన్ని చోట్ల ప్లే సింపుల్ గా సాగుతుంది. అలాగే గుడ్ పాయింట్ అండ్ కంటెంట్ ఉన్నా.. మెయిన్ ప్లాట్ కూడా సింపుల్ గా ఉంది. అలాగే విలన్ ట్రాక్ ఇంకా బలంగా ఉండాల్సింది. అదేవిధంగా విలన్ గా నటించిన నటుడు కూడా ఆ పాత్రకు పర్ఫెక్ట్ గా సూట్ కాలేదు.

దీనికి తోడు విలన్ చేసే తాలూకు మోటివ్ కూడా పూర్తి సినిమాటిక్ గా ఉంది. మొత్తానికి మేకర్స్ తాము అనుకున్న కంటెంట్ ను స్క్రీన్ మీద బాగా ఎలివేట్ చేసినా.. కొన్ని సీన్స్ విషయంలో పర్వాలేదనిపిస్తారు.

 

సాంకేతిక విభాగం :

 

సాంకేతిక విభాగం గురించి మాట్లాడుకుంటే.. దర్శకుడు శైలేష్ కొలను మంచి క్రైమ్ థ్రిల్లర్స్ కి గుడ్ ట్రీట్మెంట్ ను యాడ్ చేసి ఇంట్రెస్ట్ పెంచారు. విలన్ ట్రాక్ ఇంకొంచెం బెటర్ గా రాసుకొని ఉండాల్సింది. సినిమాటోగ్రఫీ బాగుంది. మూవీ ఓపెనింగ్ దృశ్యాలతో పాటు సెకెండ్ హాఫ్ లో వచ్చే కొన్ని కీలక సన్నివేశాలను కెమెరామెన్ చాలా నేచురల్ గా చూపించారు. సంగీతం బాగుంది. నేపథ్య సంగీతం కూడా చాలా బాగుంది. ఎడిటింగ్ కూడా ఆకట్టుకుంది. ప్రొడక్షన్ వాల్యూస్ కూడా చాలా బాగున్నాయి.

 

తీర్పు :

 

అడవి శేష్ హీరోగా వచ్చిన ఈ క్రైమ్ థ్రిల్లర్.. ఇంట్రెస్టింగ్ కంటెంట్ తో పాటు థ్రిల్లింగ్ ఎలిమెంట్స్ తో ఆకట్టుకుంది. శేష్ నటన అండ్ లుక్స్ మరియు ఆటిట్యూడ్ బాగున్నాయి. ఇన్వెస్టిగేషన్ సన్నివేశాలు కూడా హైలైట్ గా నిలిచాయి. అయితే, విలన్ ట్రాక్ అండ్ మోటివ్ ఇంకా బెటర్ గా రాసుకొని ఉండి ఉంటే సినిమా మరో స్థాయిలో ఉండేది. మొత్తమ్మీద ఈ క్రైమ్ సస్పెన్స్ థ్రిల్లర్ ప్రేక్షకులను అలరిస్తోంది.

 

123telugu.com Rating: 3.25/5

Reviewed by 123telugu Team

Click Here For English Review

సంబంధిత సమాచారం

తాజా వార్తలు