విడుదలకు ముందే ’కాష్మోరా’కు కత్తెర!

Kashmoraa
తమిళ స్టార్ హీరో కార్తీ నటించిన భారీ బడ్జెట్ ఫాంటసీ థ్రిల్లర్ కాష్మోరా రేపు (అక్టోబర్ 28న) ప్రేక్షకుల ముందుకు వచ్చేస్తోన్న విషయం తెలిసిందే. తమిళంతో పాటు తెలుగులోనూ కార్తీకి ఉన్న ఫాలోయింగ్ దృష్ట్యా రెండు భాషల్లో ఈ సినిమా 2000లకు పైగా థియేటర్లలో విడుదలవుతోంది. ఇక ఇప్పటికే తారాస్థాయిలో ఉన్న అంచనాల మధ్యన విడుదలవుతోన్న ఈ సినిమాకు సంబంధించిన ఒక ఆసక్తికర వార్త ఒకటి బయటకు వచ్చింది. విడుదలకు ముందే దర్శక, నిర్మాతలు రన్‌టైమ్ ఎక్కువైపోయిందన్న ఉద్దేశంతో కొన్ని సన్నివేశాలు తొలగించారట.

సుమారు 12 నిమిషాలు తొలగించాక ఇప్పుడు 2 గంటల 32 నిమిషాలకు రన్‌టైమ్ సెట్ అయింది. ప్రస్తుతం రన్‌టైమ్ ఎక్కువైపోయినా, కాస్త బోర్ అయినా ప్రేక్షకులు చూస్తూ ఉండకపోవడంతో విడుదలకు ముందే టీమ్ తెలివిగా ఈ నిర్ణయం తీసుకుందట. గోకుల్ దర్శకత్వంలో తెరకెక్కిన ఈ సినిమాలో కార్తీ మూడు డిఫరెంట్ రోల్స్‌లో ఆకట్టుకోనున్నారు. కార్తీ సరసన నయనతార, శ్రీదివ్య హీరోయిన్లుగా నటించగా పీవీపీ సినిమా తెలుగులో విడుదల చేస్తోంది.

Bookmark and Share