టాలీవుడ్ ఎంతో గర్వించదగ్గ విలక్షణ నటుల్లో కోట శ్రీనివరసరావు ముందు వరుసలో ఉంటాడు అని చెప్పడంలో ఎలాంటి అతిశయోక్తి లేదు. కళారంగంలో ఆయన టాలెంట్ ని, సేవని గుర్తించిన భారత ప్రభుత్వం ఆయనకీ పద్మశ్రీ పురష్కరాన్ని అందించి సత్కరించింది. ఆయన ఈ రోజు త్రివిక్రమ్ డైరెక్షన్ లో అల్లు అర్జున్ హీరోగా నటిస్తున్న ‘సన్ ఆఫ్ సత్యమూర్తి’ సినిమా షూటింగ్ లో పాల్గొంటున్నారు. కోట గారికి పద్మశ్రీ అనౌన్స్ చేసిన సందర్భంగా ఈ చిత్ర టీం కోట శ్రీనివాసరావుని సత్కరించారు. మీకు పై ఫోటోలో అల్లు అర్జున్ త్రివిక్రమ్ లతో పాటు నటకిరీటి రాజేంద్ర ప్రసాద్, కన్నడ స్టార్ హీరో ఉపేంద్ర, స్నేహ, నిర్మాత రాధాకృష్ణ, ఆర్ట్ డైరెక్టర్ రవీందర్ కూడా ఉన్నారు.