సూపర్ స్టేర్ మహేశ్ బాబు తన తరువాత సినిమాను అనిల్ రావిపూడితో చేస్తున్న విషయం తెలిసిందే. ఈ సినిమాకు ‘సరిలేరు నీకెవ్వరూ’ అనే టైటిల్ ను పరిశీలిస్తోన్నట్లు గత కొన్ని రోజులుగా వార్తలు వస్తున్నాయి. అయితే సినిమాకి ఈ టైటిల్ ఫైనల్ కాదని తెలుస్తోంది. మూడు అక్షరాల పేరునే టైటిల్ గా పెట్టాలని చిత్రబృందం ఆలోచనలో ఉందట. మహేశ్ కి మూడు అక్షరాల టైటిల్ సెంటిమెంట్ ఉన్న విషయం తెలిసిందే. ‘మహర్షి’తో అది మళ్లీ ప్రూవ్ అయింది.
ఇక ఈ సినిమాలో ఒక్కప్పటి లేడీ సూపర్ స్టార్ విజయశాంతి ఓ కీలక పాత్రలో నటిస్తోంది. అయితే విజయశాంతి మహేష్ బాబుకు అత్తగా నటించబోతున్నట్లు సమాచారం. ఆలాగే రమ్యకృష్ణ కూడా కీలక పాత్రలో నటిస్తోందట. కాగా ఈ చిత్రాన్ని దిల్ రాజు తో కలిసి అనిల్ సుంకర నిర్మించనున్నారు. ఇటీవలే ‘ఎఫ్ 2’తో భారీ హిట్ ను కొట్టాడు అనిల్. ఇప్పుడు ఏకంగా మహేశ్ బాబును డైరెక్ట్ చెయ్యబోతున్నాడు. మరి మహేశ్ తో కూడా హిట్ కొడతాడేమో చూడాలి.