బుల్లితెర ప్రేక్షకులు ఈ ఏడాది ఎంతో ఆసక్తిగా ఎదురు చూస్తున్న రియాలిటీ షో బిగ్ బాస్. ఈ రియాలిటీ షో ఆగస్ట్ లో ప్రారంభం కానుంది. అయితే ఈ రియాలిటీ షో కోసం యాజమాన్యం ఇప్పటి నుండి సెలబ్రిటీ లతో చర్చలు జరుపుతున్నట్లు తెలుస్తోంది. అయితే ఈ బిగ్ బాస్ 5 పై చర్చ మొదలైనప్పటి నుండి ఈ కార్యక్రమం కి ఎవరు హోస్ట్ గా వ్యవహరిస్తారు అనే దాని పై సర్వత్రా చర్చలు జరుగుతున్నాయి.
నాగార్జున గత సీజన్ లో వ్యాఖ్యాత గా వ్యవహరించిన సంగతి తెలిసిందే. అయితే ఇప్పుడు ఆ స్థానం లోకి దగ్గుబాటి రానా వచ్చే అవకాశం ఉన్నట్లు తెలుస్తోంది. అయితే అక్కినేని నాగార్జున ప్రస్తుతం బిజీ గా ఉండటం వలన ఈ చర్చలు మొదలైన సంగతి తెలిసిందే. అయితే రానా ను సంప్రదించినట్లు, రానా కూడా హోస్ట్ గా వ్యవహరించేందుకు అంగీకరించినట్లు వార్తలు వచ్చాయి. అయితే దీని పై త్వరలో మేకర్స్ ఒక అధికారిక ప్రకటన ఇచ్చే అవకాశం ఉన్నట్లు తెలుస్తోంది.