పవర్ స్టార్ పవన్ కళ్యాణ్ అభిమానులు ఎంతో ఆసక్తిగా ఎదురుచూస్తున్న చిత్రం ‘ఉస్తాద్ భగత్ సింగ్’. ఈ సినిమా విడుదల తేదీ అనూహ్యంగా ముందుకు జరగడంతో, మార్చి 19న ప్రేక్షకులకు అందించేందుకు చిత్ర యూనిట్ అహర్నిశలు శ్రమిస్తోంది. సమాజంలోని అరాచక శక్తులను ఎదిరించే ఒక గిరిజన యువకుడి కథాంశంతో ఈ సినిమా తెరకెక్కుతోంది.
ఇక ఈ సినిమా ప్రమోషన్స్లో భాగంగా, ఈ చిత్ర టీజర్ను ఈరోజు సాయంత్రమే విడుదల చేసేందుకు దర్శకుడు హరీష్ శంకర్, సంగీత దర్శకుడు తమన్ తమ శాయశక్తులా ప్రయత్నిస్తున్నారు. టీజర్ పనులు పూర్తికాగానే దీనిపై అధికారిక ప్రకటన వెలువడే అవకాశం ఉంది. సినిమా విడుదలకు సమయం తక్కువగా ఉండటంతో, చిత్ర బృందం ప్రమోషన్స్లో వేగాన్ని పెంచాలని నిర్ణయించుకుంది. హరీష్ శంకర్ కూడా ‘బిగ్ డే’ అంటూ సోషల్ మీడియాలో పోస్ట్ చేయడంతో ఈ చిత్ర టీజర్పై ఒక్కసారిగా ఆసక్తి పెరిగింది.
మైత్రీ మూవీ మేకర్స్ ప్రతిష్టాత్మకంగా నిర్మిస్తున్న ఈ చిత్రంలో శ్రీలీల మరియు రాశీ ఖన్నా హీరోయిన్లుగా నటిస్తున్నారు. దేవి శ్రీ ప్రసాద్ ఈ సినిమాకు అద్భుతమైన పాటలను అందించారు. భారీ అంచనాల మధ్య విడుదలవుతున్న ఈ చిత్రం బాక్సాఫీస్ వద్ద ఎలాంటి సంచలనాలు సృష్టిస్తుందో చూడాలి.