పవర్ స్టార్ పవన్ కళ్యాణ్ లేటెస్ట్ మూవీ ‘ఉస్తాద్ భగత్ సింగ్’ బాక్సాఫీస్ వద్ద ఆశించిన స్థాయి ప్రభావాన్ని చూపలేకపోయింది. కేవలం మాస్ అంశాలు మరియు పవన్ మేనరిజమ్స్తో అభిమానులను అలరించినా, కమర్షియల్గా మాత్రం ఈ సినిమా తడబడుతోంది. ఇదే సమయంలో, పవన్ కళ్యాణ్ మరియు దర్శకుడు దేవా కట్టా కలయికలో ఒక సినిమా రాబోతోందని సోషల్ మీడియాలో జోరుగా ప్రచారం సాగింది.
ఈ వార్తలపై స్పందించిన పవన్ కళ్యాణ్ క్రియేటివ్ టీమ్, ప్రస్తుతం ఆయన ఎలాంటి కొత్త సినిమాలకు సంతకం చేయలేదని స్పష్టం చేసింది. ప్రస్తుతం బాకీ ఉన్న ప్రాజెక్టులతో పాటు ‘OG 2’ పైనే దృష్టి సారించినట్లు వారు తెలిపారు. దేవా కట్టాతో ప్రాజెక్ట్ గురించి వస్తున్న వార్తల్లో వాస్తవం లేదని, కొత్త సినిమాల గురించి ఏదైనా సమాచారం ఉంటే అధికారికంగా వెల్లడిస్తామని పవన్ టీమ్ పేర్కొంది.
మరోవైపు దర్శకుడు దేవా కట్టా కూడా ఈ ఊహాగానాలపై స్పందిస్తూ.. ఈ వార్తలు ఎలా పుట్టుకొచ్చాయో తనకు తెలియదని అన్నాడు. పవన్ కళ్యాణ్తో పనిచేయడం తన చిరకాల కోరిక అని, గతంలో తన ‘రిపబ్లిక్’ సినిమాను పవన్ను దృష్టిలో పెట్టుకునే సిద్ధం చేశానని ఆయన గుర్తు చేశారు. భవిష్యత్తులో సరైన కథ కుదిరితే ఖచ్చితంగా కలిసి పనిచేస్తామని చెబుతూనే, ప్రస్తుతం తాను ఎలాంటి రాజకీయ సంబంధం లేని కథపై పనిచేస్తున్నానని దేవా కట్టా క్లారిటీ ఇచ్చారు.