కెరీర్ ప్రారంభంలోనే ‘ముకుంద’, ‘కంచె’ లాంటి డిఫరెంట్ సినిమాలతో నటుడిగా మంచి గుర్తింపు తెచ్చుకున్న మెగా హీరో వరుణ్ తేజ్. మొదటి రెండు సినిమాలను ఒకదానితో ఒకటి సంబంధం లేకుండా చేసిన వరుణ్ తేజ్ తన మూడవ సినిమాని కూడా ఆ రెండు సినిమాలకి సంబంధం లేకుండా చేసిన సినిమా ‘లోఫర్’. డాషింగ్ డైరెక్టర్ పూరి జగన్నాధ్ ఈ సినిమాలో వరుణ్ తేజ్ ని తన మార్క్ మాస్ హీరోగా ప్రెజంట్ చేస్తూ చేసిన సినిమానే లోఫర్. ఇటీవలే రిలీజ్ అయిన ట్రైలర్ లో వరుణ్ తేజ్ మాస్ ప్రెజంటేషన్, తన డైలాగ్ డెలివరీ అందరినీ ఆకట్టుకుంది.

అంతే కాదు ఈ వీడియో యు ట్యూబ్ బాగా పాపులర్ అవ్వడమే కాకుండా, 10 రోజుల్లో 10 లక్షల/1 మిలియన్ మార్క్ ని క్రాస్ చేసింది. వరుణ్ తేజ్ కంచె సినిమా ట్రైలర్ కూడా యు ట్యూబ్ లో 1 మిలియన్ మార్క్ క్రాస్ చేసింది. ఈ చిత్ర టీం సునీల్ కశ్యప్ సంగీతం అందించిన ఆడియోని డిసెంబర్ 7న రిలీజ్ చేయడానికి సిద్దమైంది. ఈ ఆడియో లాంచ్ కి లోఫర్ టీంతో పాటు మెగా ఫ్యామిలీకి సంబందించిన హీరోస్ కూడా హాజరవుతారని సమాచారం. అమ్మ నాన్న ఓ తమిళమ్మాయి తరహాలో పూరి మదర్ సెంటిమెంట్ తో రూపొందించిన ఈ సినిమాలో రేవతి, పోసాని కృష్ణమురళి ముఖ్య పాత్ర పోషించాడు. వరుణ్ తేజ్ ఓ దొంగగా కనిపించే ఈ సినిమా ద్వారా దిశా పటాని హీరోయిన్ గా పరిచయం కానుంది. సి కళ్యాణ్ నిర్మాత.

ట్రైలర్ కోసం ఇక్కడ క్లిక్ చేయండి