చార్మింగ్ స్టార్ శర్వానంద్ హీరోగా, దర్శకుడు అభిలాష్ రెడ్డి కాంబినేషన్లో రూపొందిన భారీ బడ్జెట్ చిత్రం ‘బైకర్’. విభిన్నమైన కథలను ఎంచుకోవడంలో తనకంటూ ఒక ప్రత్యేక గుర్తింపు తెచ్చుకున్న శర్వా, ఈసారి హై-వోల్టేజ్ స్పోర్ట్స్ డ్రామాతో రాబోతున్నాడు. ఈ చిత్రానికి సంబంధించిన ప్రమోషనల్ కంటెంట్ ఇప్పటికే సోషల్ మీడియాలో విపరీతమైన క్రేజ్ను సంపాదించుకుంది. దీంతో బాక్సాఫీస్ వద్ద ఈ సినిమా ఎలాంటి సంచలనాలు సృష్టిస్తుందో అని సినీ వర్గాల్లో చర్చ మొదలైంది.
ఈ చిత్రంలో శర్వానంద్ ఒక ప్రొఫెషనల్ బైక్ రేసర్గా పవర్ఫుల్ పాత్రలో కనిపించనున్నాడు. ‘లూజర్’ వంటి వెబ్ సిరీస్తో తన ప్రతిభను చాటుకున్న దర్శకుడు అభిలాష్ రెడ్డి, ఈ చిత్రాన్ని అత్యున్నత సాంకేతిక ప్రమాణాలతో తెరకెక్కిస్తున్నాడు. కేవలం రేసింగ్ మాత్రమే కాకుండా, ఒక ఎమోషనల్ కథాంశంతో ఈ సినిమా సాగనుందని సమాచారం. శర్వానంద్ ఈ పాత్ర కోసం ఫిజికల్గా కూడా చాలా మేకోవర్ అయ్యాడు. ఇది ఆయన కెరీర్లోనే ఒక మైలురాయిగా నిలిచే అవకాశం ఉంది.
శర్వానంద్ మార్కెట్ పరిధిని పెంచేలా ఈ చిత్రాన్ని గ్రాండ్ రిలీజ్ చేస్తున్నారు. కంటెంట్ గనుక ప్రేక్షకులకు కనెక్ట్ అయితే, శర్వానంద్ బాక్సాఫీస్ వద్ద తన పాత రికార్డులను తిరగరాయడం ఖాయమని ట్రేడ్ విశ్లేషకులు భావిస్తున్నారు. ఈ బైకర్ రేసులో ఎంతటి విజయాన్ని అందుకుంటాడో చూడాలి.
