అందరినీ ఆశ్చర్యపరుస్తూ, కార్తీయ 2 హిందీ బాక్సాఫీస్ వద్ద భారీ వసూళ్లను సాధిస్తోంది. యూట్యూబ్‌లో విడుదలైన ట్రైలర్ మినహా హిందీలో ఈ చిత్రానికి ఎలాంటి ప్రమోషన్లు లేవు. ఇది తక్కువ స్క్రీన్‌లలో విడుదలైంది మరియు మౌత్ టాక్ తో ఎక్కువ స్క్రీన్‌లను పొందింది. ఈరోజు సినిమా సక్సెస్ మీట్ నిర్వహించారు మేకర్స్. ఈ కార్యక్రమానికి హాజరైన నిర్మాత అల్లు అరవింద్ కీలక వ్యాఖ్యలు చేశారు.
అల్లు అర్జున్‌ నటించిన పుష్ప ఎలాంటి అంచనాలు లేకుండా హిందీలో విడుదలై బ్లాక్‌ బస్టర్‌గా నిలిచిందో, కార్తికేయ 2 కూడా అదే విధంగా థియేటర్లు, కలెక్షన్స్‌తో భారీ బ్లాక్‌బస్టర్‌గా నిలుస్తోందని అన్నారు. విజయం సాధించిన టీమ్ మొత్తానికి నిర్మాత తన హృదయపూర్వక అభినందనలు తెలిపారు. హిందీ ప్రేక్షకుల నుంచి విశేష స్పందన రావడంతో చిత్రబృందం ప్రస్తుతం ముంబై, ఢిల్లీ నగరాలకు వెళ్లి ప్రమోట్ చేస్తోంది. చందూ మొండేటి దర్శకత్వం వహించిన ఈ చిత్రంలో అనుపమ పరమేశ్వరన్ కథానాయిక గా నటించింది. పీపుల్ మీడియా ఫ్యాక్టరీ మరియు అభిషేక్ అగర్వాల్ ఆర్ట్స్ ఈ సినిమా ను సంయుక్తం గా నిర్మించడం జరిగింది.