టాలీవుడ్ కల్ట్ మూవీ ‘అర్జున్ రెడ్డి’ హిందీ లో రీమేక్ అవుతున్న విషయం తెలిసిందే. ‘ఖబీర్ సింగ్’ అనే టైటిల్ తో తెరకెక్కుతున్న ఈ చిత్రంలో షాహిద్ కపూర్, కియరా అద్వానీ జంటగా నటిస్తున్నారు. ఒరిజినల్ వెర్షన్ ను డైరెక్ట్ సందీప్ రెడ్డి వంగా ఈ రీమేక్ ను తెరకెక్కిస్తున్నాడు. ఇటీవలే షూటింగ్ పూర్తి చేసుకుంది ఈ చిత్రం. ఇక ఈ చిత్రం నుండి ఇటీవల టీజర్ విడుదలకాగా మంచి రెస్పాన్స్ వచ్చింది. ఇ క ఇప్పుడు ఈ చిత్రం యొక్క ట్రైలర్ ను విడుదలచేయనున్నారు. మే 13న ఈ ట్రైలర్ రిలీజ్ కానుంది.
టీ సిరీస్ అధినేత భూషణ్ కుమార్ సహా నిర్మాతగా వ్యవహరిస్తున్న ఈ చిత్రం జూన్ 21న విడుదలకానుంది. ఇక అర్జున్ రెడ్డి ప్రస్తుతం హిందీ తో పాటు తమిళంలోనూ రీమేక్ అవుతుంది. ఆదిత్య వర్మ అనే టైటిల్ తెరకెక్కుతున్న తమిళ్ వెర్షన్ లో చిత్రంలో విక్రమ్ తనయుడు ధృవ్ విక్రమ్ హీరోగా నటిస్తున్నాడు.