బెల్లంకొండ సాయి శ్రీనివాస్ ఇప్పటిదాకా చేసిన సినిమాలన్నీ భారీ బడ్జెట్ తో కూడిన యాక్షన్ ఎంటర్టైనర్లు కావడంతో మొదటిసారి ఒక పూర్తి స్థాయి ప్రేమకథ చిత్రంలో నటించాలనుకుంటున్నాడట ఈ యువ హీరో. దాంట్లో భాగంగా రమేష్ వర్మ దర్శకత్వంలో రొమాంటిక్ ఎంటర్టైనర్ గా తెరకెక్కనున్న చిత్రంలో నటించడానికి గ్రీన్ సిగ్నల్ ఇ చ్చాడట. అభిషేక్ అగర్వాల్ ఈచిత్రాన్ని నిర్మించనున్నాడు.
ఇక సాయి శ్రీనివాస్ ప్రస్తుతం రెండు చిత్రాల్లో నటిస్తున్నాడు. దాంట్లో ఒకటి నూతన దర్శకుడు శ్రీనివాస్ దర్శకత్వంలో తన 5వ చిత్రంలో నటిస్తున్నాడు. వంశధార క్రియేషన్స్ నిర్మిస్తున్న ఈ చిత్రంలో కాజల్ కథానాయికగా నటిస్తుంది. ప్రస్తుతం ఈ చిత్ర షూటింగ్ చివరి దశకు చేరుకుంది.
ఇక ఈచిత్రంతో పాటు సాయి, తేజ దర్శకత్వంలో తన 6వ చిత్రంలో నటిస్తున్నాడు. ఈచిత్రంలో కూడా కాజలే హీరోయిన్ కావడం విశేషం. ఈరెండు చిత్రాలను పూర్తి చేసిన తరువాత రమేష్ వర్మ చిత్రాన్ని మొదలపెట్టనున్నాడట.