తమిళ స్టార్ హీరో సూర్య, టాలెంటెడ్ డైరెక్టర్ వెంకీ అట్లూరి కాంబినేషన్లో వస్తున్న క్రేజీ ప్రాజెక్ట్ ‘విశ్వనాథ్ అండ్ సన్స్’ ప్రస్తుతం శరవేగంగా షూటింగ్ జరుపుకుంటుంది. ఈ ఫ్యామిలీ ఎమోషనల్ డ్రామాపై ప్రేక్షకుల్లో భారీ అంచనాలు నెలకొన్నాయి. మలయాళ బ్యూటీ మమితా బైజు హీరోయిన్గా నటిస్తుండగా, ఈ చిత్రాన్ని 2026 జూలైలో విడుదల చేసేందుకు చిత్ర బృందం సన్నాహాలు చేస్తోంది.
ఈ సినిమాకు సంబంధించిన తాజా అప్డేట్ ప్రకారం, మేకర్స్ ఇప్పటికే ఒక అదిరిపోయే టీజర్ను సిద్ధం చేశారట. సుమారు 1 నిమిషం 44 సెకన్ల నిడివితో రూపొందిన ఈ టీజర్, సినిమా మూడ్ను ప్రతిబింబించేలా చాలా ఎమోషనల్గా వచ్చిందని టాక్. త్వరలోనే ఈ టీజర్ విడుదల తేదీపై చిత్ర యూనిట్ అధికారికంగా స్పష్టత ఇవ్వనుంది. సూర్యను సరికొత్త క్లాస్ లుక్లో చూడాలని అభిమానులు ఆసక్తిగా ఎదురుచూస్తున్నారు.
సితార ఎంటర్టైన్మెంట్స్ బ్యానర్పై నాగవంశీ, సాయి సౌజన్య నిర్మిస్తున్న ఈ చిత్రంలో రాధికా శరత్కుమార్, రవీనా టాండన్ కీలక పాత్రలు పోషిస్తున్నారు. జి.వి. ప్రకాష్ కుమార్ ఈ సినిమాకు సంగీతాన్ని అందిస్తున్నారు. ‘లక్కీ భాస్కర్’ వంటి హిట్ తర్వాత వెంకీ అట్లూరి తెరకెక్కిస్తున్న సినిమా కావడంతో, ఇది ఖచ్చితంగా బాక్సాఫీస్ వద్ద మ్యాజిక్ చేస్తుందని సినీ వర్గాలు భావిస్తున్నాయి.