మెగాపవర్ స్టార్ రామ్ చరణ్ మరియు భారీ చిత్రాల దర్శకుడు శంకర్ దర్శకత్వంలో ఒక బెంచ్ మార్క్ సినిమాని అనౌన్స్ చేసిన సంగతి తెలిసిందే. వీరిద్దరి కాంబో 15వ సినిమా ఇది కాగా నిర్మాత దిల్ రాజు బ్యానర్ నుంచి 50 వ సినిమాగా ఇది తెరకెక్కనుంది. అందుకే ఈ భారీ ప్రాజెక్ట్ పై ఎనలేని అంచనాలు ఉన్నాయి. అయితే అసలు ఈ సినిమా మొదలు కావడానికి శంకర్ కి కొన్ని అడ్డంకులు ఎదురైన సంగతి తెలిసిందే.
తాను అంతకు ముందు చేసిన “ఇండియన్ 2” నిర్మాతలు ఓ కేస్ వెయ్యగా అదే ఇప్పటి వరకు నడుస్తుంది. దీనితో చరణ్ తో ప్లాన్ చేసిన సినిమా అలా వెనక్కి వెళ్తూ వస్తుంది. ఈ కారణం చేత చరణ్ అభిమానుల్లో కూడా కొద్ది పాటి నిరాశ నెలకొంది. మరి ఎట్టకేలకు వారికి గుడ్ న్యూస్ వినిపిస్తుంది.
తమిళనాడు హై కోర్టు లైకా వారుతమ ఇండియన్ 2 సినిమా పూర్తయ్యే వరకు చరణ్, శంకర్ ల సినిమా మొదలు కాకూడదని శంకర్ పై వేసిన పిటీషన్స్ అన్నీ కొట్టివేసిందట. సో ఈ సంచలన కాంబోకి ఎట్టకేలకు లైన్ క్లియర్ అయ్యిపోయినట్టే అని చెప్పాలి. ఇప్పుడు ఎలాగో “RRR” కంప్లీట్ అయ్యిపోతుంన్నందున సరికొత్త మేకోవర్ లోకి చరణ్ మారి ఆ ప్రాజెక్ట్ లోకి ఎంటర్ అవ్వడమే ఆలస్యం.