నవీన్ చంద్ర హీరోగా 28 డిగ్రీల సెంటీగ్రేడ్ అనే సినిమా రాబోతుంది. న‌వీన్ చంద్ర‌, షాలిని, వ‌డ్నిక‌ట్టి హీరో హీరోయిన్‌గా వీరాంజ‌నేయ ప్రొడ‌క్ష‌న్స్‌, రివ‌ర్ సైడ్ సినిమాస్ ప‌తాకాల‌పై డా.అనీల్ విశ్వ‌నాథ్ ద‌ర్శ‌క‌త్వంలో అభిషేక్ సాయి నిర్మాత‌గా రూపొందుతున్న చిత్రం 28°c. ప్ర‌స్తుతం సినిమా పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి. ఈ సినిమా ఫ‌స్ట్‌లుక్‌ను హీరోయిన్ లావ‌ణ్య త్రిపాఠి త‌న ట్విట్ట‌ర్ అకౌంట్ ద్వారా విడుద‌ల‌ చేశారు.

ఈ సంద‌ర్భంగా నిర్మాత అభిషేక్ సాయి మాట్లాడుతూ – 28°c అనే టైటిల్ అంద‌రిలో క్యూరియాసిటీని క్రియేట్ చేస్తుంది. న‌వీన్‌ చంద్ర‌కు ఈ సినిమాతో మంచి హిట్ వ‌స్తుంద‌నే న‌మ్మ‌కం ఉంది. అనీల్ విశ్వ‌నాథ్‌గారు స‌రికొత్త క‌థ‌, క‌థ‌నాల‌తో అద్భుతంగా సినిమాను తెర‌కెక్కించారు. శ‌్రావ‌ణ్ భ‌ర‌ద్వాజ్‌ సంగీతం అందిస్తున్న ఈ సినిమాకు గ్యారీ బిహెచ్ ఎడిటింగ్ వ‌ర్క్ అందిస్తున్నారు. వంశీ ప‌చ్చిపులుసు సినిమాటోగ్ర‌ఫీ అందిస్తున్నారు.