కరోనా దెబ్బకి డిజిటల్ ప్లాట్ ఫామ్స్ రూపురేఖలే మారిపోయాయి. ఇప్పుడు స్టార్ డైరెక్టర్స్ అందరూ వెబ్ సిరీస్ లు చేస్తున్నారు. అల్లు అరవింద్ తన ఓటిటీ ప్లాట్‌ఫామ్ ‘ఆహా’ కోసం డిజిటల్ కంటెంట్‌ను రూపొందించడానికి చాలా మంది దర్శకులతో ప్లాన్ చేస్తున్నాడు. ఈ క్రమంలోనే అనిల్ రావిపూడి ఒక కామెడీ సిరీస్ చేయబోతున్నారట. అలాగే వంశీ పైడిపల్లి రెండు వెబ్ సిరీస్‌ లు చేయడానికి ఓకే చెప్పారట.

అలాగే డేర్ అండ్ డాషింగ్ డైరెక్టర్ పూరి జగన్నాథ్ కూడా ఈ లాక్ డౌన్ లో వెబ్ సిరీస్ కోసం ఓ ఇంట్రస్టింగ్ స్క్రిప్ట్ రాసిన్నట్లు తెలుస్తోంది. మరి పూరి ఏ ప్లాట్ ఫామ్ కి వెబ్ సిరీస్ చేస్తాడో చూడాలి. మరో స్టార్ డైరెక్టర్ సురేందర్ రెడ్డి కూడా వెబ్ సిరీస్ చేయబోతున్నట్లు వార్తలు వస్తున్నాయి. మొత్తానికి స్టార్ డైరెక్టర్స్ వెబ్ లోకి ఎంట్రీ ఇవ్వబోతున్నారు.