టాలీవుడ్ దర్శకుడు వంశీ పైడిపల్లి, బాలీవుడ్ స్టార్ సల్మాన్ ఖాన్ కాంబినేషన్లో రూపుదిద్దుకుంటున్న భారీ యాక్షన్ ఎంటర్టైనర్పై ప్రేక్షకుల్లో ఆసక్తి పెరుగుతోంది. కథానాయికగా నయనతార నటిస్తున్న ఈ ప్రాజెక్ట్కి సంబంధించి తాజాగా ఒక కీలకమైన కాస్టింగ్ అప్డేట్ వెలుగులోకి వచ్చింది.
ఈ ప్రతిష్టాత్మక చిత్రంలో ప్రముఖ బాలీవుడ్ నటుడు జాకీ ష్రాఫ్ ఒక ముఖ్యమైన పాత్రలో నటిస్తున్నారు. ఇప్పటికే ముంబైలో జరుగుతున్న షూటింగ్ షెడ్యూల్లో ఆయన పాల్గొని సల్మాన్ ఖాన్తో కలిసి సన్నివేశాల్లో నటిస్తున్నట్లు తెలుస్తోంది. గతంలో వీరిద్దరి కాంబినేషన్లో పలు హిట్లు రాగా, మరోసారి ఈ సినిమాలో స్క్రీన్ షేర్ చేసుకుంటున్నారు. అయితే, ప్రచారంలో ఉన్నట్లుగా జాకీ ష్రాఫ్ ఇందులో విలన్ పాత్రను పోషించడం లేదు. కథను కీలక మలుపు తిప్పే ఒక బలమైన పాత్రలో ఆయన కనిపించనున్నారు.
ఈ చిత్రంలో సల్మాన్ ఖాన్ను ఢీకొట్టే విలన్ పాత్రల కోసం మేకర్స్ రాహుల్ దేవ్, అభిమన్యు సింగ్, అరవింద్ స్వామిలను ఎంపిక చేసినట్లు సమాచారం. ఒకటి కంటే ఎక్కువ ప్రతికూల పాత్రలతో కథనం ఆసక్తికరంగా సాగనుందని తెలుస్తోంది.
ప్రస్తుతం ముంబైలో శరవేగంగా షూటింగ్ జరుపుకుంటున్న ఈ చిత్రం, ఆ తర్వాత ఈరోప్లో జరగబోయే తదుపరి షెడ్యూల్కి సిద్ధమవుతోంది. 2027 ఈద్ కానుకగా ప్రపంచవ్యాప్తంగా థియేటర్లలో విడుదల చేసేందుకు చిత్రబృందం ప్లాన్ చేస్తోంది.