కన్నడ రాకింగ్ స్టార్ యష్ హీరోగా శ్రీనిధి శెట్టి హీరోయిన్ గా సెన్సేషనల్ దర్శకుడు ప్రశాంత్ నీల్ తెరకెక్కించిన భారీ చిత్రం “కేజీయఫ్ చాప్టర్ 2” కోసం భారతదేశ వ్యాప్తంగా మూవీ లవర్స్ ఎంత ఆసక్తిగా ఎదురు చూస్తున్నారో తెలిసిందే. అలాగే ఈ భారీ చిత్రం విడుదలపై కూడా మేకర్స్ ఓ క్లారిటీ ఇచ్చారు.
అయితే ఈ సినిమా బిజినెస్ వరల్డ్ వైడ్ గా భారీ స్థాయిలోనే జరుగుతున్న సంగతి తెలిసిందే.. అలా ఇప్పుడు ఈ సినిమా తమిళ హక్కులకు సంబంధించి టాక్ తెలుస్తుంది. అక్కడ ఈ సినిమా డబ్బింగ్ థియేట్రికల్ హక్కులను ప్రముఖ ప్రొడక్షన్ బ్యానర్ గ్రీన్ స్టూడియోస్ వారు భారీ ధరకు కొనుగోలు చేశారట.
అయితే ఫిగర్ ఎంత అన్నది క్లారిటీ లేదు కానీ అక్కడ డబ్బింగ్ సినిమాల్లో కేజీయఫ్ 2 కూడా టాప్ లో ఉందని తెలుస్తుంది. ఇక ఈ సాలిడ్ చిత్రంలో అధీరా గా బాలీవుడ్ నటుడు సంజయ్ దత్ నటిస్తుండగా ప్రకాష్ రాజ్, రావు రమేష్ తదితరులు కీలక పాత్రల్లో నటిస్తున్నారు.