మతిమారన్ పుగళంది దర్శకత్వంలో సూరి, సుహాస్ కీలక పాత్రల్లో వచ్చిన సినిమా మండాడి. గ్రామీణ క్రీడా నేపథ్యంతో తెరకెక్కిన ఈ సినిమా భారీ వసూళ్లను సాధించింది. ప్రపంచవ్యాప్తంగా సూరి కెరీర్లోనే ఇది తొలి వంద కోట్ల రూపాయల చిత్రంగా నిలిచింది. దీని తెలుగు వెర్షన్ కూడా కమర్షియల్ గా విజయం సాధించింది. సుహాస్ కూడా నటించిన ఈ చిత్రం, తమిళనాడు బాక్సాఫీస్ వద్ద ఇప్పటికే 80 కోట్ల రూపాయల మార్కును దాటింది. సొంత గడ్డపై వంద కోట్ల రూపాయల మైలురాయిని చేరుకునే సత్తా దీనికింది.
గతంలో కేవలం స్టార్ హీరోల చిత్రాలు మాత్రమే ఈ మైలురాయిని చేరుకున్నాయి. ఒకవేళ ‘మండాడి’ ఈ మూడంకెల సంఖ్యను కూడా దాటగలిగితే, అది ఒక చారిత్రాత్మక విజయం అవుతుంది. ఆ ఘనతను సాధించడానికి ‘మండాడి’కి తగినంత సత్తా ఉందో లేదో చూడాలి. ఈ సినిమాకి జివి ప్రకాష్ కుమార్ సంగీతం అందించగా.. నిర్మాతలు ఎల్రెడ్ కుమార్, వెట్రిమారన్ ఈ సినిమాను నిర్మించారు. ఈ సినిమాలో సత్యరాజ్, మహిమా నంబియార్ కూడా కీలక పాత్రల్లో నటించారు.