కమర్షియల్ డైరెక్టర్ మారుతి – పాన్ ఇండియా స్టార్ ప్రభాస్‌ తో ఓ భారీ పాన్ ఇండియా సినిమా తెరకెక్కించబోతున్న సంగతి తెలిసిందే. ఈ సినిమాలో ముగ్గురు హీరోయిన్లు ఉండబోతున్నారని కూడా వార్తలు వచ్చాయి. పైగా ఈ సినిమా ఈ ఏడాది చివర్లో స్టార్ట్ అవుతుందని అన్నారు. కానీ ఇప్పుడు ఈ సినిమా ప్లేస్ లో మారుతి – మెగాస్టార్ చిరంజీవి సినిమా వచ్చింది. కాబట్టి.. మారుతి – ప్రభాస్ సినిమా క్యాన్సిల్ అయింది అని ప్రచారం జరుగుతుంది.

ఇక మారుతి, మెగాస్టార్ తో చేయబోయే సినిమా ఒక మాస్ మసాలా ఎంటర్‌టైనర్ అని, సబ్జెక్ట్ ఎక్కువగా స్థానికంగా ఉంటుందని, తెలుస్తోంది. మొత్తమ్మీద మారుతి ఈ ప్రాజెక్ట్ కోసం అద్భుతమైన ఎలిమెంట్స్ ను సిద్ధం చేశాడట. ఏది ఏమైనా మెగాస్టార్ మారుతికి ఛాన్స్ ఇచ్చాడు అంటే.. మారుతి రేంజ్ మారిపోయినట్టే. ఇక ప్రస్తుతం దర్శకుడు మారుతి గోపీచంద్ తో ‘పక్కా కమర్షియల్’ సినిమా చేస్తున్నాడు.