అందాల భామ మృణాల్ ఠాకూర్ ఎట్టకేలకు తన తమిళ ఎంట్రీపై క్లారిటీ ఇచ్చింది. సరైన కథ కోసం ఎదురుచూస్తున్న ఈ బ్యూటీ, కోలీవుడ్ స్టార్ హీరో శింబు సరసన నటించే భారీ అవకాశాన్ని దక్కించుకుంది. అశ్వత్ మారిముత్తు దర్శకత్వంలో తెరకెక్కనున్న ఈ చిత్రం ప్రస్తుతం #STR51 అనే వర్కింగ్ టైటిల్తో పట్టాలెక్కనుంది.
గతేడాది ప్రదీప్ రంగనాథన్ హీరోగా వచ్చిన ‘డ్రాగన్’ సినిమాతో సూపర్ హిట్ అందుకున్న అశ్వత్ మారిముత్తు, ఈసారి శింబు కోసం ఒక పవర్ఫుల్ స్క్రిప్ట్ను సిద్ధం చేశారు. ఈ కథ విన్న వెంటనే మృణాల్ గ్రీన్ సిగ్నల్ ఇచ్చినట్లు సమాచారం. ఏజీఎస్ ఎంటర్టైన్మెంట్ అత్యంత ప్రతిష్టాత్మకంగా ఈ ప్రాజెక్ట్ను నిర్మించనుంది.
ప్రస్తుతం ప్రీ-ప్రొడక్షన్ పనుల్లో ఉన్న ఈ సినిమా రెగ్యులర్ షూటింగ్ ఈ ఏడాది ఏప్రిల్ నుంచి ప్రారంభం కానుంది. త్వరలోనే చిత్ర యూనిట్ అధికారికంగా మృణాల్ ఎంట్రీపై ప్రకటన చేయనుంది. సోషల్ మీడియాలో భారీ ఫాలోయింగ్ ఉన్న మృణాల్, సింబుతో జతకట్టడం ఇప్పుడు కోలీవుడ్ వర్గాల్లో హాట్ టాపిక్గా మారింది.