బాలీవుడ్ నటి నోరా ఫతేహి రోడ్డు ప్రమాదానికి గురైంది. ఐతే, తాను ప్రస్తుతం క్షేమంగా ఉన్నానని నోరా ఫతేహి క్లారిటీ ఇచ్చింది. ఈ మేరకు సోషల్ మీడియాలో వీడియో పోస్ట్ చేస్తూ.. ‘డ్రింక్ చేసిన ఓ కారు డ్రైవర్ నా కార్ ను ఢీ కొట్టాడు. దీంతో, నా తల, కారు విండోకు బలంగా తలిగింది. ఆ సమయంలో ఏం జరిగిందో నాకు అర్థం కాలేదు. అయితే, ప్రస్తుతానికి నేను బాగానే ఉన్నాను. కాకపోతే, తల వాపు ఉంది. ఇంకా కొన్ని గాయాలు మానలేదు’ అని నోరా ఫతేహి తెలిపారు.
నోరా ఫతేహి ఇంకా మాట్లాడుతూ.. ఆ ప్రమాదాన్ని భయానక ఘటనగా అభివర్ణించారు. డ్రంక్ అండ్ డ్రైవ్ను ప్రోత్సహించొద్దని ఈ సందర్భంగా ఆమె విజ్ఞప్తి చేశారు. మద్యం మత్తులో డ్రైవింగ్తో ఎంతోమంది అమాయక ప్రజలు ప్రమాదాలకు గురై చనిపోతున్నారని నోరా ఫతేహి ఎమోషనల్ అయ్యారు. నోరా ఫతేహి ప్రమాదానికి కారణమైన డ్రైవర్ ను అదుపులోకి తీసుకున్నట్లు ముంబయి పోలీసులు తెలిపారు.