మాస్ మహారాజ రవితేజ నటించిన తాజా చిత్రం ‘అమర్ అక్బర్ ఆంటొని’ పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఈచిత్రం యొక్క శాటిలైట్ హక్కులను ప్రముఖ టెలివిజన్ ఛానెల్ జెమినీ టీవీ భారీ ధరకు దక్కించుకుందని సమాచారం. ఇక నిన్న విడుదలైన ఈ చిత్ర టీజర్ కు సూపర్ రెస్పాన్స్ వస్తుంది. ఇప్పటివరకు ఈ టీజర్ యూట్యూబ్ లో 40లక్షల పైచిలుకు వ్యూస్ ను రాబట్టింది.
శ్రీను వైట్ల తెరకెక్కిస్తున్న ఈ చిత్రంలో ఇలియానా కథానాయికగా నటించగా సునీల్ ముఖ్య పాత్రలో నటించాడు. మైత్రి మూవీ మేకర్స్ నిర్మిస్తున్న ఈ చిత్రం నవంబర్ 16న ప్రేక్షకులముందుకు రానుంది.