తమిళ స్టార్ హీరో దళపతి విజయ్ తన ఆఖరి చిత్రంగా ‘జన నాయగన్’ అనే సినిమా చేశారు. దర్శకుడు హెచ్ వినోద్ తెరకెక్కించిన ఈ చిత్రం తన ఎన్నికలు ముందు రావాల్సింది కానీ అక్కడ పలు అడ్డంకులు మూలాన ఆగిపోయింది. దీనితో పాటుగా ఎన్నో మరిన్ని ఇబ్బందులు కూడా విజయ్ ఆఖరి సినిమా చూసింది.
పైగా ఓటిటి డీల్ వెనక్కి వెళ్లిపోవడం, సినిమాపై హైప్ తగ్గిపోవడం వంటివి ఇలా చాలానే సినిమాని నీరుగార్చాయి. కానీ ఇప్పుడు సీన్ కట్ చేస్తే జన నాయగన్ ఓపెనింగ్స్ ఊహించుకుంటేనే బాక్సాఫీస్ కి వణుకు పుడుతుంది అని చెప్పొచ్చు. విజయ్ స్టార్డంని తక్కువ అంచనా వేసినవారిని చాలాసార్లు తప్పు అని తాను ప్రూవ్ చేసాడు.
అలాంటి ‘గ్రేటెస్ట్ ఆఫ్ ఆల్ టైం’ లాంటి సినిమాతోనే విజయ్ 400 కోట్లు పెట్టినప్పుడే చాలామంది నమ్మలేదు. కానీ ఇప్పుడు ఎన్నికల ఫలితాలు చూసిన తర్వాత తన ఫ్యాన్స్ ఏం చెయ్యగలరు? తమ హీరో, నాయకుడు ఒకరే అని నమ్మి నిలబడితే ఫలితం ఎలా ఉంటుంది అనేది చూపించారు.
మరి ఇప్పుడు అలాంటి అభిమానులు తమ హీరో గెలవడం పైగా సీఎం అయ్యాక వస్తున్న సినిమా అంటే ఏ రేంజ్ లో వసూళ్లు అందిస్తారు? అది ఊహించడానికి కూడా వీలు కాదు. సో జన నాయగన్ ఓపెనింగ్స్ మాత్రం ఇప్పుడు కోలీవుడ్ లోనే కాకుండా ఇండియన్ సినిమా దగ్గర ఒక రికార్డు బ్రేకింగ్ ఓపెనర్ గా నిలిచినా ఎలాంటి ఆశ్చర్యం లేదు. ఇక సినిమా పొరపాటున బాగుంది అని టాక్ వచ్చినా లాంగ్ లో ఎక్కడ ఆగుతుందో కూడా చెప్పలేం. సో సీఎం విజయ్ ఆఖరి సినిమా ఇలా వస్తుండడం డెఫినెట్ గా ఒక సంచలనంగా నిలిచే అవకాశం ఉంది.