పవర్ స్టార్ పవన్ కళ్యాణ్ హీరోగా చేస్తున్న ప్రస్తున్న చిత్రాల్లో విలక్షణ దర్శకుడు క్రిష్ జాగర్లమూడి తెరకెక్కిస్తున్న భారీ పాన్ ఇండియా చిత్రం “హరిహర వీరమల్లు” కూడా ఒకటి. మరి నిధి అగర్వాల్, బాబీ డియోల్ లాంటి స్టార్ కాస్ట్ నటిస్తున్న ఈ చిత్రం పవన్ కెరీర్ లోనే ఒక మోస్ట్ అవైటెడ్ మూవీగా నిలిచింది.
అయితే పలు కారణాలు చేత ఆలస్యం అవుతున్న ఈ చిత్రంకి కూడా సీక్వెల్ ఉందని ఆ మధ్య టాక్ వచ్చింది. అయితే ఇప్పుడు దీనిపై అఫీషియల్ క్లారిటీ వచ్చేసింది. ఈ చిత్ర నిర్మాత ఏ ఎం రత్నం మాట్లాడుతూ సినిమాపై ప్రచారం చేస్తున్న కొన్ని ఫేక్ వార్తలు తిప్పి కొట్టారు.
సినిమా ఆగిపోయింది అని ప్రచారం చేస్తున్న వార్తల్లో ఎలాంటి నిజం లేదు అని దీనికి రెండో భాగం కూడా ఉందని కన్ఫర్మ్ చేశారు. దీనితో ఈ సినిమాకి సీక్వెల్ ఉందా లేదా అనే అంశంపై ఇప్పుడు సెన్సేషనల్ క్లారిటీ వచ్చేసినట్టే అని చెప్పాలి. ఇక ఈ భారీ చిత్రానికి ఎం ఎం కీరవాణి సంగీతం అందిస్తుండగా ఏపీ ఎన్నికలు అనంతరం అయితే పవన్ ఈ సినిమా షూట్ రీస్టార్ట్ చేయనున్నారు.
