మన ఇండియన్ బాక్సాఫీస్ వద్ద బాహుబలి సెన్సేషన్ కోసం ప్రత్యేకంగా చెప్పనవసరం లేదు. యంగ్ రెబల్ స్టార్ ప్రభాస్ మరియు దర్శక ధీరుడు రాజమౌళిల ఐదేళ్ల త్యాగానికి ప్రతిఫలం తెలుగు సినిమాను ఖండాంతరాల్లో తెలుగు సినిమా మరో స్థాయికి వెల్లడం. అయితే ఈ సిరీస్ కోసం ఎంత చెప్పినా తక్కువే కానీ లేటెస్ట్ గా మరో సెన్సేషనల్ టాపిక్ ఇప్పుడు బయటకు వచ్చింది.
మొదటగా ఈ చిత్రాన్ని ఒక పార్ట్ గానే తీయాలి అనుకున్న సంగతి తెలిసిందే కానీ అది కాస్తా రెండు భాగాలుగా అయ్యింది. అయితే ఇప్పుడు అసలు బాహుబలి బిగినింగ్ కు కథ ఏమిటి అన్నది తెరకెక్కనున్నట్టుగా తెలుస్తుంది. ఇంకా లోతుగా వెళ్లినట్టు అయితే ఈ “బాహుబలి బిఫోర్ బిగినింగ్” ను దిగ్గజ స్ట్రీమింగ్ సంస్థ నెట్ ఫ్లిక్స్ నుంచి 9 ఎపిసోడ్స్ కలిగిన సిరీస్ గా ఇది రానున్నట్టు టాక్ ఇప్పుడు తెలుస్తుంది.
అంతే కాకుండా ఈ సిరీస్ ను ఏకంగా 200 కోట్లు పెట్టి తీయనున్నారట. మరి మళ్ళీ రాజమౌళినే దర్శకత్వం వహిస్తారా ప్రభాస్ కూడా ఉంటాడా ఈ సిరీస్ నిజంగానే ఉంటుందా ఉండదా అనే ప్రశ్నలకు ఇంకా సమాధానం దొరకాల్సి ఉంది. మొత్తానికి మాత్రం ఈ బిఫోర్ బాహుబలి బిగినింగ్ కు సంబంధించే మంచి హాట్ టాపిక్ సోషల్ మీడియాలో నడుస్తుంది.