సూపర్ స్టార్ రజినీకాంత్ హీరోగా, అక్షయ్ కుమార్ విలన్ గా టాలెంటెడ్ డైరెక్టర్ శంకర్ దర్శకత్వంలో ఈ నెల 29న రాబోతున్న భారీ చిత్రం ‘2.o’. కాగా తాజాగా ఈ చిత్రం ప్రీరిలీజ్ ఈవెంట్ హైదరాబాద్ లోని పార్క్ హైయేత్ లో ఘనంగా జరిగింది.
కాగా ఈ కార్యక్రమంలో సూపర్ స్టార్ రజినీకాంత్ మాట్లాడుతూ.. ఈ ‘2.0’ చిత్రం కోసం ప్రేక్షకులు లాగే తానూ కూడా ఎంతో ఆసక్తిగా ఎదురు చూస్తున్నానన్నారు. ఎందుకంటే సినిమాలో 45 శాతం గ్రాఫిక్స్ ఉంటుంది. అందుకే మాక్కూడా సినిమా ఎప్పుడెప్పుడు చూడాలా అని ఎంతో ఆసక్తిగా ఉంది. ఇక ఈ సినిమాలో అద్భుతమైన కథ కూడా ఉంది. ఎలాంటి హంగు ఆర్భాటాలు ఉన్న సినిమానైనా, నడిపించేది ఆ కథ. అలాంటి కథ ఉన్న సినిమా ఈ ‘2.0’. అందుకే ఈ సినిమా సూపర్ హిట్ అవుతుంది. అన్నారు.
ఇంకా రజనీ మాట్లాడుతూ.. ‘శంకర్ చెప్పినట్టు ఈ సినిమాను త్రీడీలో చూస్తే కొత్త అనుభూతిని పొందుతాం. అందరూ త్రీడీలోనే చూడండి. ఇక ఈ సినిమాకు ప్రమోషన్ అవసరం లేదు. కానీ ఈ చిత్రాన్ని తెలుగులో విడుదల చేస్తోన్న ప్రసాద్ గారు (నవ్వుతూ) అనవసరంగా డబ్బులు ఖర్చు చేస్తున్నారు. అని సరదాగా అన్నారు. అలాగే సూపర్ స్టార్ దర్శకుడు శంకర్ పై మరియు ఇతర తారాగణం పై ప్రశంసల వర్షం కురిపించారు.