యువ సామ్రాట్ నాగ చైతన్య, అనుఇమ్మాన్యుయేల్ జంటగా ప్రముఖ దర్శకుడు మారుతీ తెరకెక్కిస్తున్న చిత్రం ‘శైలజా రెడ్డి అల్లుడు’. ప్రస్తుతం శరవేగంగా షూటింగ్ జరుపుకుంటున్న ఈ చిత్ర ఫస్ట్ లుక్ ఇటీవల విడుదలై మంచి రెస్పాన్స్ ను రాబట్టింది. ఇక ఈ చిత్రంలో సీనియర్ నటి రమ్య కృష్ణ శైలజా రెడ్డి పాత్రలో నటిస్తుంది. ఈరోజు ఆమె ఈ చిత్రానికి సంభంధించిన షూటింగ్ ను పూర్తి చేశారు.
ఫ్యామిలీ ఎంటర్టైనర్ గా రానున్న ఈచిత్రానికి గోపిసుందర్ సంగీతం అందిస్తున్నారు. ప్రముఖ చిత్ర నిర్మాణ సంస్థ సితార ఎంటర్టైన్మెంట్స్ నిర్మిస్తున్న ఈచిత్రం ఆగష్టు 31న ప్రేక్షకులముందుకు రానుందని సమాచారం.