వరుసగా డిఫరెంట్ సినిమాలు చేస్తున్న యంగ్ హీరో మంచు విష్ణు హీరోగా, ‘వెన్నెల’, ‘ప్రస్థానం’, ‘ఆటోనగర్ సూర్య’ సినిమాలతో తెలుగు ప్రేక్షకులను మరియు విమర్శకులను మెప్పించిన దేవకట్ట డైరెక్షన్ లో రానున్న సినిమా ‘డైనమైట్’. ప్రస్తుతం శరవేగంగా షూటింగ్ జరుపుకుంటున్న ఈ సినిమా షూటింగ్ చివరి దశకు చేరుకుంది. అలాగే ఈ సినిమాని సమ్మర్లో చెయ్యడానికి ప్లాన్ చేస్తున్నారు. అందులో భాగంగా ఈ సినిమా ఫస్ట్ లుక్ మోషన్ పోస్టర్ ని నిన్న రాత్రి రిలీజ్ చేసారు. ఈ మోషన్ పోస్టర్స్ కి మంచు అభిమానుల నుంచి సూపర్బ్ రెస్పాన్స్ వస్తోంది.

ఈ మోషన్ పోస్టర్స్ లో విష్ణు పవర్ఫుల్ లుక్స్ తో పాటు మంచు విష్ణు ఇచ్చిన వాయిస్ ఓవర్ కూడా సూపర్బ్ గా సెట్ అయ్యింది.అలాగే అచ్చు అందించిన బ్యాక్ గ్రౌండ్ మ్యూజిక్ కూడా ఎంతో ఎంగేజింగ్ గా ఉంది. ఈ సినిమాలో మంచు విష్ణు టోటల్ డిఫరెంట్ లుక్ లో కనిపించనున్నాడు. ఈ సినిమాలో విష్ణు సరసన హీరోయిన్ గా ప్రణిత నటిస్తోంది. థ్రిల్లింగ్ ఎలిమెంట్స్ తో యాక్షన్ ఎంటర్టైనర్ గా వస్తున్న ఈ సినిమా విక్రమ్ ప్రభు హీరోగా, ప్రియ ఆనంద్ హీరోయిన్ గా తమిళంలో ఘన విజయం సాధించిన ‘అరిమ నంబి’కి రీమేక్. మంచు మోహన్‌బాబు సమర్పణలో ప్రతిష్టాత్మకమైన 24 ఫ్రేమ్స్‌ ఫ్యాక్టరీ పతాకంపై మంచు విష్ణు ఈ సినిమాను నిర్మిస్తున్నారు.

డైనమైట్ మోషన్ పోస్టర్ కోసం ఇక్కడ క్లిక్ చేయండి