దర్శకధీరుడు ఎస్.ఎస్.రాజమౌళి దర్శకత్వం వహిస్తున్న ప్రతిష్టాత్మక చిత్రం ‘ఆర్ ఆర్ ఆర్’. టాలీవుడ్ సూపర్ స్టార్స్ఐన తారక్, చరణ్ లు హీరోలుగా ఈ మల్టీస్టారర్ తెరకెక్కుతుంది.ప్రస్తుతం హైదరాబాద్ శివార్లలోని అల్యూమినియం కర్మాగారంలో వేసిన భారీ సెట్ లో తారక్, చరణ్ లపై పోరాట సన్నివేశాలు చిత్రీకరిస్తున్నారని సమాచారం. తాజా గా ఈ మూవీ ఓవర్సీస్ హక్కుల ధర విషయమై టాలీవుడ్ లో ఓ ఆసక్తికర చర్చ నడుస్తోంది. అదేంటంటే దుబాయ్ కి చెందిన ఒక పెద్ద డిస్ట్రిబ్యూటర్ ‘ఆర్ ఆర్ ఆర్’ చిత్ర ఓవర్సీస్ రైట్స్ ను భారీ ధర చెల్లించి కొనుక్కున్నారట.
చైనాలో మినహా మిగతా అన్ని దేశాల్లో అన్ని భాషల రైట్స్ ను ఈ డిస్ట్రిబ్యూషన్ సంస్థ కొనుగోలు చేసింది. ఒక్క ఓవర్సీస్ హక్కులనే 65 కోట్లకు అమ్మితే తెలుగు,హిందీ,తమిళ భాషల హక్కులతో పాటు శాటిలైట్ రైట్స్ ఇలా మొత్తం కలుపుకొని “ఆర్ ఆర్ ఆర్” ఎంత బిజినెస్ చేస్తుందోనని ట్రేడ్ వర్గాలు లెక్కలు వేసుకుంటున్నారట.