భారీ చిత్రాల దర్శకుడు గుణశేఖర్ తన డ్రీం ప్రాజెక్ట్ గా రెండేళ్ళ పాటు కష్టపడి తెరకెక్కించిన సినిమా ‘రుద్రమదేవి’ గత శుక్రవారం విడుదలైన ఈ భారీ హిస్టారికల్ ఫిల్మ్ బాక్స్ ఆఫీసు వద్ద మంచి కలెక్షన్స్ రాబట్టుకుంటోంది. రుద్రమదేవిగా అనుష్క, గోనగన్నారెడ్డిగా అల్లు అర్జున్, చాళుక్య వీరభద్రుడిగా రానా లనాటి స్టార్స్ నటించడం ఈ సినిమాకి మొదటి ప్లస్ అయితే, మనకు తెలియని హిస్టారికల్ సినిమాని భారీ భారీ సెట్టింగులతో ఆవిష్కరించి చూపించడం సినిమాకి బాగా హెల్ప్ అయ్యింది.

రుద్రమదేవి సినిమా మొదటి మూడు రోజులు ఇరు రాష్ట్రాల్లో హౌస్ ఫుల్ కలెక్షన్స్ తో రన్ అయ్యింది. వీక్ డే అయిన ఈ రోజు కూడా అన్ని ఏరియాల్లో డీసెంట్ కలెక్షన్స్ ని రాబట్టుకుంది. ఓవర్సీస్ లో కూడా ఈ సినిమా మంచి కలెక్షన్స్ ని రాబట్టుకుంది. ఫస్ట్ వీక్ లోనే ఈ సినిమా 1 మిలియన్ మార్క్ కి దగ్గరవుతుందని అక్కడి ట్రేడ్ వర్గాలు చెబుతున్నాయి. ఇరు రాష్టాలతో పాటు ఓవర్సీస్ లో మొదటి మూడు రోజుల్లో కలెక్ట్ చేసిన వివరాలు మీకోసం..