గుణశేఖర్ ఎన్నో ఏళ్ళ పాటు పరిశోధించి, దాదాపుగా మూడేళ్ళ పాటు కష్టపడి తెరకెక్కించిన కలల ప్రాజెక్ట్ రుద్రమదేవి గత శుక్రవారం భారీ ఎత్తున విడుదలైన విషయం తెలిసిందే. రాణీ రుద్రమదేవి లాంటి వీరవనిత చారిత్రక కథ నేపథ్యంలో తెరకెక్కిన సినిమా కావడంతో ఈ సినిమాపై మొదట్నుంచే విపరీతమైన పాజిటివ్ బజ్ కనిపించింది. ఇక విడుదల తర్వాత కూడా అదే స్థాయిలో ఈ సినిమా మంచి పాజిటివ్ టాక్తో బాక్సాఫీస్ వద్ద మంచి కలెక్షన్స్ కొల్లగొడుతోంది.
అనుష్క, అల్లు అర్జున్, రానా ప్రధాన పాత్రల్లో నటించిన ఈ సినిమా మొదటి వారాంతం బాక్సాఫీస్ వద్ద 31 కోట్ల రూపాయల గ్రాస్ కలెక్షన్స్ వసూలు చేసి స్ట్రాంగ్గా నిలబడిందని ట్రేడ్ వర్గాలు స్పష్టం చేశాయి. ఇక ఇలాంటి సినిమాకు మొదటివారాంతం ఈ స్థాయి కలెక్షన్స్ రావడం విశేషమనే చెప్పాలి. ఒక చారిత్రక కథను ప్రేక్షకులకు చేరవేయాలన్న గుణశేఖర్ ఆలోచనకు, అల్లు అర్జున్, అనుష్కల నటనకు సూపర్ రెస్పాన్స్ వస్తోంది. అన్నిచోట్లా ఒకేసారి విడుదలైన ఈ సినిమా పాజిటివ్ టాక్తో మరింత కలెక్షన్స్ రాబట్టే దిశగా వెళుతోంది. భారతదేశపు మొట్టమొదటి స్టీరియో స్కీపిక్ 3డీ సినిమాగా తెరకెక్కిన ‘రుద్రమదేవి’, హిందీ, మళయాలంలోనూ తెలుగు వర్షన్తో పాటే విడుదలైంది.