ఓవర్ సీస్ పరంగా అమెరికా భారత చిత్రాలకు అతిపెద్ద మార్కెట్. ప్రవాస భారతీయులు అధికంగా ఉండే అమెరికా లో తెలుగు చిత్రాలకు మంచి ఆదరణ ఉంది. స్టార్ హీరోల హిట్ మూవీస్ అక్కడ మిలియన్ డాలర్స్ వసూళ్లు సాధిస్తాయి. ఐతే చిన్నపాటి ఓ రేంజ్ హీరోలకు కూడా యూఎస్ లో మిలియన్ డాలర్స్ అంత సులభమైన విషయం కాదు. అలాంటిది సమంత సోలోగా ఆ ఘనత సాధించి ఆశ్చర్య పరిచింది.
ఇటీవల నందిని రెడ్డి దర్శకత్వంలో సమంత నటించిన “ఓ బేబీ” విజయం సొంతం చేసుకుంది. ఈ మూవీ కి విమర్శకుల ప్రశంసలతో పాటు, కమర్షియల్ గా మంచి వసూళ్లు కూడా దక్కాయి.ఐతే యూఎస్ లో కూడా ఈ మూవీకి అద్భుత ఆధరణ దక్కింది. అక్కడ సమంత “ఓ బేబీ” మిలియన్ డాలర్ వసూళ్లు సాధించి అందరిని ఆశ్చర్య పరిచింది. మొదటి షో నుండే హిట్ టాక్ తో దూసుకెళ్లిన ఓ బేబీ యూఎస్ లో కూడా రికార్డు వసూళ్లు సాధించింది . ఈ సినిమాకు మిలియన్ డాలర్ వసూళ్లు రావడంతో ప్రస్తుతం యూనిట్ సంబరాలు చేసుకుంటోంది. హీరోలకు సైతం సవాలు విసిరే ఈ ఛాలెంజ్ ని సమంత సోలోగా కొట్టి చూపించింది.