ఆది సాయికుమార్ నటించిన లేటెస్ట్ చిత్రం ‘శంభల’ (Shambala) బాక్సాఫీస్ వద్దే కాకుండా ఓటీటీ ప్లాట్ఫార్మ్లోనూ తన సత్తా చాటుతోంది. యుగంధర్ ముని దర్శకత్వంలో మిస్టరీ థ్రిల్లర్గా రూపొందిన ఈ సినిమా ఓటీటీలో కేవలం 11 రోజుల్లోనే 100 మిలియన్ స్ట్రీమింగ్ నిమిషాలను నమోదు చేసి రికార్డు సృష్టించింది. చాలా కాలం తర్వాత ఆదికి ఒక పక్కా కమర్షియల్ హిట్ దక్కడంతో ఆయన అభిమానులు ఖుషీ అవుతున్నారు.
ఈ చిత్రంలో అర్చన అయ్యర్ కీలక పాత్రలో నటించగా, శ్వాసిక విజయ్, మధునందన్, రవి వర్మ మరియు లక్ష్మణ్ మీసాల ఇతర ప్రధాన పాత్రల్లో కనిపించారు. శ్రీచరణ్ పాకాల అందించిన సంగీతం ఈ మిస్టరీ థ్రిల్లర్ను మరో స్థాయికి తీసుకెళ్లింది. మహిధర్ రెడ్డి, రాజశేఖర్ అన్నభిమోజు సంయుక్తంగా నిర్మించిన ఈ సినిమాకు తెలుగు ప్రేక్షకుల నుండి అద్భుతమైన స్పందన లభిస్తోంది.
మరోవైపు, ‘శంభల’ (Shambala) హిందీ వెర్షన్ విడుదలకు రంగం సిద్ధమవుతోంది. త్వరలోనే ఈ చిత్రం హిందీలో అమెజాన్ ప్రైమ్ వీడియోలో అందుబాటులోకి రానుందని సమాచారం. హిందీ వెర్షన్ విడుదలైన తర్వాత ఈ సినిమాకు మరింత ఆదరణ లభిస్తుందని, స్ట్రీమింగ్ నిమిషాల సంఖ్య భారీగా పెరుగుతుందని సినీ విశ్లేషకులు అంచనా వేస్తున్నారు.
100 million+ minutes streamed.
The fear just got bigger 🔥Watch #AadiShambhala now only on #aha@iamaadisaikumar @tweets_archana @ugandharmuni pic.twitter.com/ds0ZOXpz9E
— ahavideoin (@ahavideoIN) February 1, 2026