టాలీవుడ్‌లో సరికొత్త కాన్సెప్ట్‌తో ‘సోల్ ట్రిప్’ (Soul Trip) అనే ట్రావెల్ బేస్డ్ అడ్వెంచరస్ టాక్ షో రాబోతోంది. ‘పోస్టర్’, ‘అన్వేషి’ చిత్రాలతో గుర్తింపు తెచ్చుకున్న హీరో విజయ్ దాట్ల ఈ షోకు హోస్ట్‌గా వ్యవహరిస్తున్నారు. రిజ్వాన్ ఎంట‌ర్‌టైన్మెంట్ సమర్పణలో, గండ‌భేరుండ ఆర్ట్స్ పతాకంపై విజయ్ దాట్ల స్వయంగా నిర్మించిన ఈ షో.. సాధారణ ఇంటర్వ్యూలకు భిన్నంగా సాగనుంది.

గణతంత్ర దినోత్సవం సందర్భంగా మేకర్స్ ‘సోల్ ట్రిప్’ ఫస్ట్ లుక్ పోస్టర్‌ను విడుదల చేశారు. ఇప్పటికే సీజన్-1 షూటింగ్ పూర్తి చేసుకున్న ఈ షోలో సీనియర్ నటులు జగపతిబాబు, శ్రీకాంత్, అలీతో పాటు యువ హీరోయిన్లు శివాని రాజశేఖర్, శివాత్మిక రాజశేఖర్, వర్ష బొల్లమ్మ వంటి స్టార్స్ సందడి చేయనున్నారు. త్వరలోనే ఈ అడ్వెంచరస్ టాక్ షో ఓ ప్రముఖ ఓటీటీ వేదికగా స్ట్రీమింగ్ కానుంది.