తమిళ స్టార్ హీరో సూర్య ప్రధాన పాత్రలో నటిస్తున్న క్రేజీ ఫ్యామిలీ డ్రామా ‘విశ్వనాథ్ అండ్ సన్స్’ ఇప్పటికే ప్రేక్షకుల్లో మంచి బజ్ క్రియేట్ చేసింది. వెంకీ అట్లూరి దర్శకత్వంలో తెరకెక్కుతున్న ఈ సినిమా నుంచి ఇప్పటికే వచ్చిన ప్రమోషనల్ కంటెంట్ ఈ మూవీపై అంచనాలు పెంచేసింది. అయితే, ఇప్పుడు ఈ సినిమా నుంచి మరో సాలిడ్ అప్డేట్ ఇచ్చేందుకు మేకర్స్ రెడీ అవుతున్నట్లు తెలుస్తోంది.
ఈ సినిమాకు సంబంధించిన రెండో సింగిల్ సాంగ్ను సూర్య బర్త్ డే ట్రీట్గా జూలై 23న రిలీజ్ చేసేందుకు మేకర్స్ ప్లాన్ చేస్తున్నారు. అయితే ఈ పాటలో అసలు విశేషం ఏంటంటే.. దీనిని స్వయంగా హీరో సూర్యనే పాడాడు. జీవీ ప్రకాష్ కుమార్ సంగీతం అందించిన ఈ సాంగ్, సూర్య వాయిస్లో అభిమానులను ఎంతగానో అలరించనుందని టాక్.
సూర్య సరసన మలయాళ బ్యూటీ మమితా బైజు హీరోయిన్గా నటిస్తుండగా, ఈ చిత్రాన్ని సితార ఎంటర్టైన్మెంట్స్ మరియు ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి. ఇక ఈ చిత్రాన్ని ఆగస్టు 14న ప్రపంచవ్యాప్తంగా థియేటర్లలో విడుదల చేసేందుకు మేకర్స్ రెడీ అవుతున్నారు.