తెలుగు ప్రేక్షకులను ఎంతగానో అలరిస్తోన్న బిగ్ బాస్ షో.. నేడు సీజన్ 3 ఫైనల్ జరుపుకోబోతుంది. మరికొన్ని గంటల్లో సీజన్ 3 విజేత ఎవరనేది తేలనుంది. కాగా ఫైనల్లో మొత్తం ఐదుగురు సభ్యులు నిలువగా.. వారిలో విజేతగా నిలిచే అవకాశం ఎక్కువుగా శ్రీముఖికి, లేదా రాహుల్‌ సిప్లిగంజ్‌ కు మాత్రమే ఉందని.. అలాగే ఇప్పటికే బిగ్‌బాస్‌ తెలుగు సీజన్ 3 టైటిల్‌ ను రాహుల్‌ గెలుచుకున్నాడని సోషల్ మీడియాలో రూమర్స్ హల్ చల్ చేస్తున్నాయి.
కాగా తాజాగా ఈ రూమర్స్ చెక్ పెడుతూ అక్కినేని నాగార్జున ట్వీట్ చేశారు. ‘ఇది చాలా అద్భుతమైన ప్రయాణం. ఇంకా బిగ్ బాస్ ఫైనల్ షూటింగ్ పూర్తి కాలేదని, ఈ రోజు సాయంత్రం లైవ్ ప్రసారం జరుగనుందని.. సోషల్ మీడియాలో విన్నర్ గురించి వస్తున్న రూమర్స్ ని నమ్మకండి. సాయంత్రం జరిగే లైవ్ కార్యక్రమంలో విన్నర్ ఎవరనేది తెలుసుకోండని నాగార్జున పోస్ట్ చేశారు. మరి బిగ్ బాస్ సీజన్ 3 విన్నర్ ఎవరో చూడాలి.
It’s here!! The final day of of shoot for the #BiggBossTelugu3 and it’s been an incredible journey!! It's going to be LIVE!! do not believe any scrolls, winner updates out there in the social media. Catch the Winner this evening LIVE on @StarMaa
— Nagarjuna Akkineni (@iamnagarjuna) November 3, 2019